مەملەكەت باسشىسى قاسىم-جومارت توقاەۆ ءوز سوزىندە جاستاردى قولداۋ, ولاردىڭ جۇمىسقا ورنالاسۋىنا جاردەمدەسۋ قاجەت ەكەنىن بىرنەشە رەت اتاپ وتكەن ەدى.
2022 جىل باسىنان قازىرگى ۋاقىتقا دەيىن استانا قالاسى اكىمدىگىنىڭ «استانا جاستارى» جرو» كمم ءتورت بوس جۇمىس ورىندار جارمەڭكەسىن وتكىزگەن بولاتىن, وعان ەلوردانىڭ 160-تان استام جۇمىس بەرۋشى, 2400-دەن استام جاستار مەن ستۋدەنتتەر قاتىستى جانە 1800-دەن استام بوس جۇمىس ورنى ۇسىنىلدى, ونىڭ بارىسىندا 250-گە جۋىق ادام جۇمىسقا ورنالاستىرىلدى.
بوس جۇمىس ورىندارى جارمەڭكەسىنە قاتىسۋعا 20-دان استام ءىرى جۇمىس بەرۋشى ءوتىنىم بەردى, ونىڭ ىشىندە قازاقستان رەسپۋبليكاسى اقپارات جانە قوعامدىق دامۋ مينيسترلىگى «تالداۋ جانە اقپارات ورتالىعى» شجق رمك, «استانا وپەرا» مەملەكەتتىك وپەرا جانە بالەت تەاترى» كوممەرتسيالىق ەمەس اكتسيونەرلىك قوعامى, «باسقارۋشى كومپانيا «قازمەديا ورتالىعى» جشس, «Arena S» (ارەنا S), Sulpak جشس, «DESIDERIO» جشس, «قازپوشتا» اق «استانا پوچتامت» اف, «كازاحتەلەكوم» اق, «استاناەنەرگوسبىت» جشس جانە باسقالارى بار.
بوس جۇمىس ورىندار جارمەڭكەسى بارىسىندا جۇمىس بەرۋشىلەر ءوز كومپانيالارىنىڭ پرەزەنتاتسياسىن وتكىزىپ, بوس ۆاكانسيالارىن ۇسىنىپ, وزدەرىنە دەگەن ەڭ قولايلى كانديداتتاردىڭ بازاسىن قالىپتاستىرادى. جۇمىس ىزدەۋشىلەر, ءوز كەزەگىندە كومپانيالاردىڭ HR-مەنەدجەرلەرىمەن تىلدەسىپ, سۇحباتتاسۋدان ءوتىپ, ءوزىن قىزىقتىرعان سۇراقتارىن قويا الادى.
