ۇقك شەكارا قىزمەتى قىرعىزستانمەن مەملەكەتتىك شەكارانى كەسىپ وتۋگە بولاتىن جەردە ىزدەستىرۋ جۇمىستارىن جۇرگىزىپ جاتىر. الداجۇمانوۆ سەنات كۋلۋارىندا وعان كومەكتەسكەندەر بولۋى ابدەن مۇمكىن ەكەندىگىن ايتتى.
«ىزدەستىرۋ جۇمىستارى جالعاسىپ جاتىر. تۇسىنەسىزدەر عوي, ول جەردە تاۋ جوتاسى 672 شاقىرىم عانا. ونىڭ ءوزى شىققان جەردە, تاۋدا, ەلدى مەكەندە شارۋاشىلىعى بار. نەگىزىندە, وتكىزۋگە كومەكتەسكەندەر دە بولۋى مۇمكىن. ءبىز تاۋلار ارقىلى شىعۋ نۇسقاسىن قاراستىرىپ جاتىرمىز», دەدى ە. الداجۇمانوۆ.
ۇقك شەكارا قىزمەتىنىڭ ديرەكتورى باس پروكۋراتۋرا قىلمىستىق ءىس قوزعاعانىن ەسكە سالدى.
«قىرعىزستاندىق ارىپتەستەر دە اتالعان دەرەك بويىنشا قىلمىستىق ءىس قوزعادى. بۇل ىسكە قىرعىز رەسپۋبليكاسىنىڭ باس پروكۋراتۋراسى دا جاۋاپتى. ولار بىزگە ازىرگە اقپارات بەرە المايدى», دەپ تۇيىندەدى ەرلان الداجۇمانوۆ.
