تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مالىمەتىنشە, تسيفرلىق اڭشى كۋالىگىن قازاقستان اۋماعىندا جەكە تۇلعانىڭ اڭ اۋلاۋ قۇقىعىن كۋالاندىرۋ ءۇشىن پايدالانۋعا بولادى. اتالعان قۇجات 2023 جىلدىڭ قاڭتارىنان باستاپ ونى راسىمدەگەن ازاماتتار ءۇشىن قولجەتىمدى.
«جاڭا تسيفرلىق قۇجاتتى تابۋ ءۇشىن eGov Mobile قوسىمشاسىندا اۆتوريزاتسيادان ءوتىپ, باستى بەتتەگى «تسيفرلىق قۇجاتتار» بولىمىندەگى «اڭشى كۋالىگىنە» باسۋ قاجەت. تسيفرلىق قۇجات - تۇپنۇسقا قۇجاتتىڭ بالاماسى», دەلىنگەن ۆەدومستۆو حابارلاماسىندا.
ايتا كەتەيىك, قازىر eGov mobile ءموبيلدى قوسىمشاسىنىڭ «تسيفرلىق قۇجاتتار» سەرۆيسىندە 24 قۇجات بار. اتاپ ايتقاندا, جەكە كۋالىك, قر ازاماتىنىڭ پاسپورتى, جۇرگىزۋشى كۋالىگى, ۆاكتسيناتسيا پاسپورتى, پتر تەستى, تۋ تۋرالى كۋالىك جانە تاعى باسقالارى. بارلىق تسيفرلىق قۇجاتتى تالاپ ەتۋ ورنى بويىنشا ۇسىنۋعا بولادى.
