سىبايلاس جەمقورلىققا قارسى قىزمەت جەتىسۋ وبلىسىنىڭ پروكۋراتۋراسىنىڭ ۇيلەستىرۋىمەن تالدىقورعان قالاسىنىڭ ءبىلىم ءبولىمىنىڭ قىزمەتكەرلەرى ۇستالدى.
«اتالعان ازاماتتار ءبىلىم بەرۋ سالاسىندا ءىس جۇزىندە جۇمىس ىستەمەيتىن ۇلەستەس تۇلعالاردىڭ پايداسىنا جالاقى تۇرىندەگى وتەۋسىز اۋدارۋ جولىمەن اسا ءىرى مولشەردە بيۋدجەت قاراجاتىن جۇيەلى نەگىزدە ۇرلادى دەگەن كۇدىككە ءىلىندى. الدىن الا كەلتىرىلگەن زالال سوماسى شامامەن 2 ميلليارد تەڭگەنى قۇرادى», دەلىنگەن حابارلامادا.
قازىرگى تاڭدا ءىستىڭ ءمان-جايلارىنا تيەسىلى 29 جىلجىمايتىن م ۇلىك وبەكتىسى مەن قىمبات اۆتوكولىكتەر تاركىلەندى. كۇدىكتىلەر ۇستالىپ, سوتتىڭ سانكتسياسىمەن قاماۋعا الىندى.
«كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى», دەپ حابارلادى ۆدەومستۆو.
سوتقا دەيىنگى تەرگەۋ امالدارى جالعاسىپ جاتىر.
قپك-ءنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
