تالدىقورعان قالالىق ءبىلىم ءبولىمىنىڭ باس ەسەپشىسى مادلەن سەرعازينوۆا ءبىلىم سالاسىنا بولىنگەن قارجىنى جەكە مۇددەسىنە پايدالانعانى انىقتالعان. كۇدىكتىنى قاشپاق بولعان جەرىنەن سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) جەتىسۋ وبلىسى بويىنشا دەپارتامەنتىنىڭ قىزمەتكەرلەرى ۇستاعان.
انتيكور وكىلدەرىنىڭ ايتۋىنشا, 48 جاستاعى ايەل ادام ەل اۋماعىنان قاشىپ كەتپەك بولعاندا پانفيلوۆ اۋدانىنىڭ اۋماعىندا قولعا تۇسكەن. كۇدىكتىنىڭ ءۇيىن ءتىنتۋ بارىسىندا 942 902 117 تەڭگە (ۇلتتىق ۆاليۋتادا 617 640 000 جانە 721 282 اقش دوللارى), قۇجاتتار مەن 21 جىلجىمايتىن م ۇلىكتىڭ كىلتى: 14 پاتەر, 7 كوممەرتسيالىق ءۇي-جاي, «Toyota Land Cruiser» كولىگى مەن زەرگەرلىك بۇيىمدار تابىلعان.
قۇنى 1 ملرد 200 ملن تەڭگەگە باعالانعان دۇنيە-م ۇلىككە وبلىستىق پروكۋراتۋرا ۋاقىتشا شەكتەۋ قويدى. باس بۋحگالتەرمەن بىرگە تالدىقورعان قالالىق ءبىلىم ءبولىمىنىڭ ورتالىقتاندىرىلعان ەسەپ ءبولىمىنىڭ باس ەسەپشىسىنىڭ ورىنباسارى, ەكونوميست پەن ەكى ەسەپشىسى قاماۋعا الىنعان.
قالالىق التى مەكتەپتىڭ باس ەسەپشىسى بوتەننىڭ سەنىپ تاپسىرىلعان مۇلكىن يەمدەنىپ, جىمقىردى دەگەن كۇدىككە ىلىنگەن. ۇستالعاندار 2020 جىلدىڭ قىركۇيەك ايىنان 2023 جىلدىڭ ناۋرىز ايىنا دەيىن اسا ءىرى كولەمدە جالپى سوماسى 2 ملرد تەڭگەدەن استام بيۋدجەت قاراجاتىن ۇرلاعان.
ۇستالعاندار وقۋ ورىندارىندا ءىس جۇزىندە جۇمىس ىستەمەيتىن ادامداردىڭ شوتىنا جالاقى اۋدارىپ وتىرعان. ىشكى مەملەكەتتىك اۋديت دەپارتامەنتىنىڭ اۋديتورلارى 95 231 664 تەڭگە شىعىندى راستادى. قالعان شىعىندى ەسەپتەۋ جالعاسىپ جاتىر.
كۇدىكتى م.سەرعازينوۆا, ونىڭ ورىنباسارى جانە ەكونوميست قىلمىستىق ءىس جۇرگىزۋ كودەكسىنىڭ 128-بابىنا سايكەس ۇستالىپ, تيىسىنشە ەسكەلدى اۋداندىق ىشكى ىستەر باسقارماسىنىڭ, تالدىقورعان قالالىق ىشكى ىستەر باسقارماسىنىڭ, كوكسۋ اۋداندىق ىشكى ىستەر باسقارماسىنىڭ ۋاقىتشا ۇستاۋ يزولياتورىنا قامالدى.
مەكتەپتەردىڭ باس ەسەپشىلەرىنە قاتىستى ايىبىن تولىق مويىنداۋعا, باسقا تۇلعالاردى اشكەرەلەۋگە كومەك كورسەتۋگە بايلانىستى پروتسەسسۋالدىق قاماۋعا الۋ شارالارى جۇرگىزىلمەگەن.
قازىر وسى وقيعا الەۋمەتتىك جەلىدە ۇلكەن تالقىعا ءتۇسىپ جاتىر. وسىعان دەيىن ايلاسىن اسىرىپ كەلگەن الاياقتاردىڭ ارەكەتى قوعامنىڭ ءبىلىم سالاسىنا دەگەن وكپەسىن ءتىپتى ءورشىتىپ جىبەرگەندەي.
– جەتىسۋ وبلىسىنىڭ جىلدىق بيۋدجەتى 450 ملرد تەڭگە. ونىڭ 40 پايىزى ءبىلىم, مادەنيەت جانە سپورتتى دامىتۋ سالاسىنا بولىنەدى, دەيدى جەرگىلىكتى دەپۋتاتتار. جاي عانا ەسەپشىنىڭ بيۋدجەتتەن 1,2 ملرد تەڭگە جىمقىرۋى جەمقورلىقتىڭ ماسشتابىن كورسەتىپ وتىر. مەكتەپ جاسىنداعى بالالار نەگە ءبىر-ءبىرىن تەپكىلەپ جاتىر, ءتىپتى ءولتىرىپ جاتىر دەيمىز؟
ءبىلىم سالاسىنداعى شەنەۋنىكتەر بالا تاربيەسى, ءبىلىم بەرۋ, يدەولوگيا دەگەندى كەيىنگى ورىنعا ىسىردى ما؟ اتا-انا بالاسىنىڭ اماندىعىنا الاڭداي باستادى. وعان سوڭعى كۇندەردەگى تىزبەكتەلگەن وقيعالار دالەل, – دەيدى بەلگىلى جۋرناليست ريشاد اسقاربەك ۇلى.
اتالعان ىسكە قاتىستى قازىر سوتقا دەيىنگى تەرگەۋ امالدارى باستالدى.
جەتىسۋ وبلىسى
