شىعىس قازاقستان وبلىسى گلۋبوكوە اۋدانىنا اكىم تاعايىندالدى

وسكەمەن. 4 ءساۋىر. پرەزيدەنت اكىمشىلىگىنىڭ كەلىسىمىمەن جانە شىعىس قازاقستان ءوڭىرىنىڭ باسشىسى بەردىبەك ساپارباەۆتىڭ وكىمىمەن ارمان بەكبوسىنوۆ گلۋبوكوە اۋدانىنىڭ اكىمى  بولىپ تاعايىندالدى. بۇل تۋرالى ەgemen.kz ءتىلشىسى حابارلادى. ارمان بەكبوسىنوۆ – وسكەمەندەگى جول-قۇرىلىس ينستيتۋتىن بىتىرگەن. ۇزاق جىلدار كولىك جانە كوممۋنيكاتسيا سالاسىندا جاۋاپتى قىزمەتتەردە بولدى. 2008, 2009 جىلدارى كولىك جانە كوممۋنيكاتسيا مينيسترلىگى ستراتەگيالىق جوسپارلاۋ جانە كولىك-كوممۋنيكاتسيا كەشەنىن دامىتۋ دەپارتامەنتى اۆتوجولداردى دامىتۋ باسقارماسىنىڭ باسشىسى, 2009, 2010 جىلدارى شىعىس قازاقستان وبلىسى جولاۋشىلار كولىگى جانە اۆتوكولىك جولدارى باسقارماسىنىڭ باسشىسى, 2010-2013 جىلدار ارالىعىندا كاتونقاراعاي اۋدانىنىڭ اكىمى قىزمەتتەرىن اتقارعان. ال 2013 جىلدىڭ تامىز ايىنان وسى تاعايىنداۋعا دەيىن «ەرتىس» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامىنىڭ باسقارما توراعاسى بولىپ كەلدى. دۋمان اناش. دەرەككوز: ەgemen.kz. فوتو: ەgemen.kz.