قارجى مينيسترلىگى مەملەكەتتىك ساتىپ الۋلار كوميتەتىنىڭ توراعاسى تاعايىندالدى

استانا. 4 شىلدە. ۇكىمەت باسشىسىنىڭ ورىنباسارى - قارجى ءمينيسترى ب.سۇلتانوۆتىڭ 2014 جىلدىڭ 3 شىلدەسىندەگى بۇيرىعىمەن قاليللا ابدۋللاەۆ قارجى مينيسترلىگى مەملەكەتتىك ساتىپ الۋلار كوميتەتىنىڭ توراعاسى قىزمەتىنە تاعايىندالدى. بۇل تۋرالى «قازاقپارات» حابارلادى. قاليللا ناسىروللا ۇلى ابدۋللاەۆ 1971 جىلى جامبىل وبلىسىندا تۋعان. جامبىل جەڭىل جانە تاماق ونەركاسىبى تەحنولوگيالىق ينستيتۋتىن جانە م.ح.دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن. ماماندىعى – ينجەنەر-ەكونوميست, زاڭگەر. ق.ابدۋللاەۆ 1994-2002 جىلدار ارالىعىندا جامبىل وبلىسىندا قارجى جۇيەسى مەكەمەلەرىندە ءار ءتۇرلى باسشىلىق قىزمەتتە بولدى. 2002-2004 جىلدارى قارجى مينيسترلىگى سالىق كوميتەتى سالىقتىق اكىمشىلەندىرۋ باسقارماسىنىڭ باستىعى, 2004-2005 جىلدارى استانا قالاسى بويىنشا سالىق كوميتەتى توراعاسىنىڭ ورىنباسارى, 2005-2008 جىلدارى قوستاناي وبلىسى بويىنشا سالىق كوميتەتىنىڭ توراعاسى, 2008-2012 جىلدارى سولتۇستىك قازاقستان, پاۆلودار, ماڭعىستاۋ وبلىستارى بويىنشا سالىق دەپارتامەنتىنىڭ باستىعى, 2012-2013 جىلدارى ماڭعىستاۋ وبلىسى اكىمىنىڭ ورىنباسارى قىزمەتتەرىن اتقارعان. ال 2014 جىلعى 21 مامىردان وسى تاعايىنداۋعا دەيىن قارجى مينيسترلىگى مەملەكەتتىك ساتىپ الۋلار كوميتەتى توراعاسىنىڭ مىندەتىن اتقارۋشى بولىپ قىزمەت ەتتى. جولدىباي بازار. دەرەككوز: «قازاقپارات». فوتو: meta.kz.