قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن كولىك قۇرالدارىنىڭ جەكەلەگەن ساناتتارىن باستاپقى تىركەگەنى ءۇشىن الىم مولشەرلەمەسىن قولدانۋ جانە وسىنداي كولىك قۇرالدارىن اكەلۋدى جۇزەگە اسىرعان جەكە تۇلعالاردى, سونداي-اق كولىك قۇرالدارىنىڭ ساناتتارىن وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنەن بوساتۋ شارتتارى مەن مەرزىمدەرىن, قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2023 جىلعى 9 قاڭتارداعى №13 قاۋلىسى م1, M1G, M2, M2G, N1, N1G ساناتتارىنداعى, وڭ جاقتاعى رولمەن باسقارىلاتىن كولىك قۇرالدارىنا قاتىستى قولدانىلادى», دەلىنگەن حابارلامادا.
بۇل ساناتقا مىنالار جاتادى:
- جولاۋشىلاردى تاسىمالداۋعا ارنالعان جانە جۇرگىزۋشى ورنىنان باسقا, سەگىزدەن اسپايتىن جولاۋشىلار وتىراتىن ورنى بار كولىك قۇرالدارى;
- جۇرگىزۋشى ورنىنان باسقا سەگىزدەن استام وتىراتىن ورنى بار, تەحنيكالىق رۇقسات ەتىلگەن ەڭ جوعارى ماسساسى 5 توننادان اسپايتىن جولاۋشىلاردى تاسىمالداۋعا ارنالعان كولىك قۇرالدارى;
- تەحنيكالىق رۇقسات ەتىلگەن ەڭ جوعارى ماسساسى 3,5 توننادان اسپايتىن جۇكتەردى تاسىمالداۋعا ارنالعان كولىك قۇرالدارى. «وسىعان وراي, قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن جانە جوعارىدا كورسەتىلگەن ساناتتارعا جاتاتىن كولىك قۇرالداردى تىركەگەن كەزدە كولىك قۇرالدارىن باستاپقى تىركەگەنى ءۇشىن 200 000 تەڭگە مولشەرىندەگى الىم الىنادى.
«قاۋلىدا كورسەتىلمەگەن ساناتتارعا جاتاتىن كولىك قۇرالدارىن العاشقى تىركەۋدەن ءوتۋ بارىسىندا, سالىق كودەكسىنىڭ 553-بابى 4-تارماعىندا بەكىتىلگەن كولىك قۇرالدارىن باستاپقى تىركەگەنى ءۇشىن الىم ستاۆكالارى بويىنشا الىم تولەنەدى», دەلىنگەن مكك مالىمەتىندە.
