استانا. 3 شىلدە. تۇڭعىش پرەزيدەنت مۇراجايىندا «نۇر وتان» پارتياسى قاتارىنا ازاماتتاردى ءداستۇرلى قابىلداۋ ءراسىمى ۇيىمداستىرىلدى. بۇل تۋرالى «قازاقپارات» حابارلادى.
استانا كۇنىنە ورايلاستىرا وتكىزىلگەن بۇل شارا بارىسىندا ازاماتتارعا پارتيا بيلەتتەرىن «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك تابىستادى.
باۋىرجان بايبەك: «پارتيا توراعاسى بارلىق نۇروتاندىقتاردى ساياسي كوشباسشىلىقتى كۇندەلىكتى ىستە دالەلدەپ, قوعام ءومىرىنىڭ بارلىق باعىتتارىندا الدىڭعى ورىندا بولۋىمىزدى مىندەتتەگەن. سىزدەر دە وسى سەنىمنىڭ ۇدەسىنەن تولىقتاي شىعاسىزدار دەگەن ۇمىتتەمىن!», – دەدى.
پارتيا قاتارىنا وتكەندەردىڭ اراسىندا بەلگىلى ساۋلەتشى, مەملەكەتتىك ەلتاڭبانىڭ اۆتورى جانداربەك مالىبەك ۇلى, رەسپۋبليكالىق بىرقاتار ايتىستاردىڭ جەڭىمپازى ءبىرجان بايتۋوۆ, «قازاقستان بارىسى» ءتۋرنيرىنىڭ 2013 جىلعى جەڭىمپازى ايبەك نۇعىماروۆ جانە باسقا دا بىرقاتار ادامدار بار.
جولدىباي بازار.
دەرەككوز: قازاقپارات».
فوتو: قازاقپارات».
