مىسالى, ەلوردانىڭ بوتانيكالىق باعىندا دەنساۋلىق ساقتاۋ ءمينيسترى اجار عينيات, مادەنيەت جانە سپورت ۆيتسە-ءمينيسترى سارسەن قۇرانبەك, دۇنيەجۇزىلىك دەنساۋلىق ساقتاۋ ۇيىمىنىڭ وكىلى جانە قازاقستانداعى ددۇ ەلدىك ءوفيسىنىڭ باسشىسى سكەندەر سىلا قاتىسقان «سوزدەن ىسكە/ WALK THE TALK/وت سلوۆا ك دەلۋ» ۇرانىمەن قىسقا قاشىقتىققا جۇگىرۋ اكتسياسى ءوتتى.
ءىس-شارانى اشقان قر دسم باسشىسى دۇنيەجۇزىلىك دەنساۋلىق كۇنى ادامداردىڭ نازارىن دەنساۋلىقتى نىعايتۋعا, الەمدەگى قاۋىپسىزدىكتى قولداۋعا جانە ازاماتتاردىڭ دەنساۋلىق پەن ءال-اۋقاتتى قورعاۋعا قۇقىقتارىن ساقتاۋعا اۋدارۋعا باعىتتالعانىن اتاپ ءوتتى.
مينيستر قالىڭ كوپشىلىكتى دەنساۋلىعىن نىعايتۋعا, پروفيلاكتيكالىق سكرينينگتىك تەكسەرۋلەردەن, ۆاكتسيناتسيالاۋدان ۋاقتىلى وتۋگە شاقىردى.
«2023 جىلى دۇنيەجۇزىلىك دەنساۋلىق كۇنى «بارشاعا دەنساۋلىق» ۇرانىمەن وتەدى. دەنى ساۋ ازاماتتار – كەز كەلگەن ەلدىڭ باستى دامۋ الەۋەتى», دەپ اتاپ ءوتتى ول.
دۇنيەجۇزىلىك دەنساۋلىق كۇنىن مەرەكەلەۋ شەڭبەرىندە بۇكىل رەسپۋبليكا بويىنشا اۋقىمدى اكتسيالار, سپارتاكيادالار, مەكتەپتەردە اشىق دەنساۋلىق ساباقتارى, ەمحانالاردا اشىق ەسىك كۇندەرى جانە باسقا دا ءىس-شارالار ءوتىپ جاتىر.
ددۇ-نىڭ قازاقستانداعى ەلدىك ءوفيسىنىڭ باسشىسى سكەندەر سىلا جارىسقا قاتىسۋشىلاردىڭ الدىندا سويلەگەن سوزىندە قازاقستان ۇكىمەتى قوعامدىق دەنساۋلىق ساقتاۋ سالاسىنداعى يننوۆاتسيالاردى قولداۋ ءۇشىن زور كۇش-جىگەر جۇمسايتىنىن اتاپ ءوتتى.
دەنە بەلسەندىلىگىن ناسيحاتتاۋ ماقساتىنداعى جارىسقا 1 مىڭنان استام ادام قاتىستى.
«سونداي-اق دۇنيەجۇزىلىك دەنساۋلىق كۇنىن مەرەكەلەۋ شەڭبەرىندە ا. بايتۇرسىن ۇلى اتىنداعى Binom school-دا «دەنساۋلىق ساباعى» اشىق ساباعى, استانا قالاسى اكىمدىگىنىڭ № 9 قالالىق ەمحاناسىندا «اشىق ەسىك كۇنى» جانە «استانا مەديتسينا ۋنيۆەرسيتەتى» كەاق ستۋدەنتتەرىنىڭ قر دسم, ددۇ-نىڭ قازاقستانداعى ەلدىك ءوفيسىنىڭ وكىلدەرىمەن كەزدەسۋى وتەدى», دەلىنگەن حابارلامادا.
