«تسيفرلىق قۇجاتتار» بولىمىندە كەلەسى انىقتامالارعا قول جەتكىزۋ مۇمكىندىگى قاراستىرىلعان:
- زەينەتاقى جيناقتارى بويىنشا;
- زەينەتاقى مەن جاردەماقىنى تولەۋ بويىنشا;
- الەۋمەتتىك اۋدارىمدار بويىنشا.
بۇل ازاماتتاردىڭ مەملەكەتتىك قىزمەتتەردى الۋ ۇدەرىسىن بارىنشا جەڭىلدەتۋگە مۇمكىندىك بەرەدى.
ء«بىز مۇددەلى مەملەكەتتىك ورگاندارمەن بىرلەسە وتىرىپ, ەكىنشى دەڭگەيلى بانكتەردىڭ پلاتفورمالارى مەن قوسىمشالارىنا تانىمال مەملەكەتتىك قىزمەتتەردى ەنگىزۋ جۇمىستارىن جۇرگىزۋدەمىز. بۇگىنگى تاڭدا بانك قوسىمشالارىندا 15-تەن استام, سونىڭ ىشىندە كولىك قۇرالدارىن قايتا تىركەۋ, جەكە كاسىپكەرلەردى تىركەۋ, بالا كۇتىمى مەن تۋى بويىنشا جاردەماقى تاعايىنداۋ جانە ت.ب مەملەكەتتىك قىزمەت تۇرلەرى قولجەتىمدى. سونداي-اق بانكتەردىڭ پلاتفورمالارى ارقىلى تسيفرلىق قۇجاتتاردى پايدالانۋعا بولادى. مۇنىڭ بارلىعى مەملەكەتتىك قىزمەتتەردىڭ قولجەتىمدىلىگىن ارتتىرادى جانە ازاماتتارعا مەملەكەتتىك قىزمەتتەردى وسى جەردە جانە ءدال قازىر الۋعا مۇمكىندىك بەرەدى», دەپ ءتۇسىندىردى تسيفرلىق دامۋ ءمينيسترى باعدات مۋسين.
