م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ «حيميالىق ينجەنەريا جانە بيوتەحنولوگيا» جوعارى مەكتەبىنىڭ 2-كۋرس ستۋدەنتى سەيداحمەتوۆا گ ۇلىستان «قازاقستان رەسپۋبليكاسىنىڭ تۇراقتى دامۋ ماقساتتارى» ستۋدەنتتىك وليمپياداسىنىڭ ۇلتتىق كەزەڭىندە ءبىرىنشى ورىنعا يە بولدى.
وليمپياداعا قازاقستاننىڭ 16 جوعارى وقۋ ورنىنان بارلىعى 88 ستۋدەنت قاتىستى. بايقاۋ بىرىككەن ۇلتتار ۇيىمىنىڭ «قورشاعان ورتانى قورعاۋ باعدارلاماسىنىڭ» (يۋنەپ) قولداۋىمەن قازاق-نەمىس ۋنيۆەرسيتەتىنىڭ ۇيىمداستىرۋىمەن ءوتتى.
يۋنەپ – باس اسسامبلەيانىڭ مەملەكەتتەر مەن حالىقارالىق بىرلەستىكتەردىڭ قورشاعان ورتانى قورعاۋ مەن جاقسارتۋعا باعىتتالعان شارالارىن ءتيىمدى جۇزەگە اسىرۋىن قامتاماسىز ەتەتىن حالىقارالىق ۇيىم رەتىندە كومەكشى ورگانى.
ەندى وسى جىلدىڭ مامىر ايىندا گ ۇلىستان حالىقارالىق وليمپيادادا قازاقستان نامىسىن قورعايدى.
