«بۇگىندە مەملەكەتتىڭ ايناسى بولىپ وتىرعان مادەنيەت قىزمەتكەرلەرىن مۇلدەم ەسكەرۋسىز قالدىرىپ وتىرمىز. مادەنيەت سالاسىنىڭ قىزمەتكەرلەرى دەگەنىمىز – تەك قانا ساحنادا ونەر كورسەتەتىن تۇلعالار ەمەس, سولاردىڭ جاعدايىن جاساپ وتىرعان ساحنا سىرتىنداعى ەڭبەك ادامدارى. ولار مەملەكەتىنە شىنايى ماحابباتپەن قاراپ, مادەنيەتكە بار ىقىلاسىمەن قىزمەت ەتەتىن: ساحنا تەحنيكتەرى, كوستيۋمەرلەر, گريمەرلەر, جارىق تۇسىرۋشىلەر, دىبىستاۋشى دەگەن سياقتى مىڭداعان ادامدار. جانعا باتاتىن ءبىر جايت, اتالعان قىزمەتكەرلەر ءالى كۇنگە دەيىن ساناتى جوعارىلاپ, جالاقىسى ءوسىپ جاتقان ۇستازدار, دارىگەرلەر سياقتى ماماندار قاتارىنان دا ورىن العان جوق», دەدى دەپۋتات.
رينات زايىتوۆتىڭ ايتۋىنشا, قازىرگى تاڭدا مادەنيەت سالاسى قىزمەتكەرلەرىنىڭ جالاقىسى 60 مىڭ تەڭگەدەن باستالىپ 100 مىڭ تەڭگەگە جەتەر-جەتپەس مەجەدەن اسا الماي تۇر. بۇل بىلىكتى مامانداردىڭ جۇمىستان ءوز ەركىمەن كەتۋىنە سەبەپ بولىپ, مادەنيەت وشاقتارىنىڭ جۇمىسىن تەجەپ تۇر.
