مەرەكەلىك شارالاردىڭ مۋزىكالىق اپپاراتۋراسىز ءارى كىرمەيتىنىن تۇسىنگەن جاس كاسىپكەر, سول تۇستاعى دەپۋتاتتىققا ۇمىتكەر ماسەلەنى جۋىق ارادا شەشىپ بەرەتىنىن ۋادە ەتكەن. «ۋادە – قۇداي اتى». الايدا ءالي دۋماناي ۇلى مەكتەپ باسشىلىعىنا ءار كۇنى ساباق باستالار الدىندا ءانۇران شىرقالسا دەگەن ۇسىنىس ايتقان. ايتىلعانداي, ەكى جاقتى كەلىسىم ورىندالدى. ۇلان اۋدانى, قاسىم قايسەنوۆ كەنتىندەگى ر. مارسەكوۆ اتىنداعى ورتا مەكتەپكە مۋزىكالىق اپپاراتۋرا تارتۋ ەتىلىپ, وقۋشىلار ساباق باستالار الدىندا ءانۇراندى شىرقادى.
– ادام بالاسى كۇنىن قالاي باستاسا, سولاي وتەتىن سياقتى كورىنەدى. ماسەلەن, تاڭەرتەڭ ءبىر ءاندى ەستىپ قالساڭىز, كۇنى بويى سوزدەرى ساناڭىزدا جۇرەدى. سول سەكىلدى انۇرانداعى رۋحتى سوزدەر بالانىڭ ويىندا جۇرەدى. بۇل دا پاتريوتتىق تاربيەنىڭ ءبىر تەتىگى. مەنىڭ ويىمشا, ءار مەكتەپتە كۇندەلىكتى تاڭەرتەڭ, ەكىنشى اۋىسىمدا وقيتىندار تۇستە ءانۇراندى شىرقاسا, وتانعا دەگەن سۇيىسپەنشىلىك نىعايا تۇسەدى. وسىنى ءبىلىم مينيسترلىگى تاراپىنان مەكتەپ تارتىبىنە بەكىتىپ قويسا دۇرىس بولار ەدى, – دەيدى ۇلان اۋداندىق ءماسليحاتىنىڭ دەپۋتاتى ءالي دۋماناي ۇلى.
ايتا كەتەرلىگى, بۇل كۇنى ر. مارسەكوۆ مەكتەبىنىڭ وقۋشىلارى ءانۇراندى جاندى داۋىستا, وزدەرى شىرقادى. رۋحتى, ايبارلى ەستىلدى.
