«Nauryz» سەريالدار بايگەسىنىڭ جەڭىمپازدارى انىقتالدى

«Nauryz» ۇلتتىق بايگەسى اقپارات جانە قوعامدىق دامۋ مينيسترلىگىنىڭ قولداۋىمەن العاش رەت ءوتىپ جاتىر.

بايگەگە 2021 جىلعى 1 قاڭتار – 2022 جىلعى 31 جەلتوقسان ارالىعىندا قازاقستاندىق تەلەارنالاردىڭ ەفيرىنە، YouTube ارناسىندا شىققان سەريالدار مەن شىعارماشىلىق توپتار 13 نوميناتسيا بويىنشا قاتىستى.

«وزدەرىڭىزگە بەلگىلى، ناۋرىز – جاڭارۋ مەن گۇلدەنۋدىڭ، ءوسۋ مەن وركەندەۋدىڭ سيمۆولى. سوندىقتان بۇل ۇلتتىق بايگە وتاندىق سەريالداردىڭ دا ءوسىپ-وركەندەۋىنە سەپتەسەدى دەپ ۇمىتتەنەمىز. جالپى ەلىمىزدە سوڭعى جىلدارى كرەاتيۆتى يندۋستريا، تەلەسەريالدار قارقىندى دامىپ كەلەدى. قازىر بىزدە سان دا، ساپا دا ارتىپ كەلەدى، قاراجات جاعىن دا كوبەيتۋدى قاراستىرىپ وتىرمىز. قازىر وتاندىق سەريالدار ىشكى جانە سىرتقى نارىقتا ۇلكەن سۇرانىسقا يە بولىپ وتىر. بۇرىن ءۇندىنىڭ «كەلىنىنە» تەلمىرەتىن كورەرمەن قازىر ءوزىمىزدىڭ «كەلىنجان» مەن «اپپاق كەلىندى» كورەدى»، دەدى اقپارات جانە قوعامدىق دامۋ ءمينيسترىنىڭ مىندەتىن اتقارۋشى دارحان قىدىرالى كەشتىڭ اشىلۋىندا.

ەڭ الدىمەن «ۇزدىك تاريحي سەريال» اتالىمىنىڭ جەڭىمپازدارى ايتىلدى.

ءادىل قازى القاسىنىڭ شەشىمىمەن بۇل ماراپاتتى «Qazaqstan» ۇلتتىق ارناسى تۇسىرگەن «مىرجاقىپ. ويان، قازاق!» سەريالى جەڭىپ الدى.

بۇل جۇلدەگە سونىمەن بىرگە «قانىش. قازىنا»، «قىزىل جەبە»، «مانشۇك» تالاسقا تۇسكەن ەدى.

«ۇزدىك درامالىق سەريال» نوميناتسياسىندا دا Qazaqstan ۇلتتىق ارناسىنىڭ «اقجاۋىن» تۋىندىسى ۇزدىك اتاندى.

مۇندا «بىرگە بول»، «راۋزا. ساكۋرانىڭ گۇلدەۋى»، «شانحاي» تەلەحيكايالارى شورت-تىزىمگە ەنگەن بولاتىن.

كورەرمەن كوزايىمىنا اينالعان «كەلىنجان» «ۇزدىك كومەديالىق سەريال» اتاندى. شورت-تىزىمگە «باجا»، «كۇيەۋ بالا»، «پاترۋل» تۋىندىلارى دا ەندى.

«ۇزدىك ۆەب-سەريال» نوميناتسياسىندا «اپپاق كەلىن»، «وينا»، «Serjan Bratan»، «5:32» سەريالدارى باق سىنادى.

ناتيجەسىندە «Salem Social Media» تۇسىرگەن «Serjan Bratan» وزىپ شىقتى.

ايتا كەتەيىك، جەڭىمپازدارعا NAURYZ ارنايى مۇسىنشەسىمەن بىرگە 1 ميلليون تەڭگە كولەمىندە سىياقى تابىستالادى.