«2023 جىلعى 30 ناۋرىزدا سولتۇستىك قازاقستان وبلىسى بويىنشا ۇلتتىق قاۋىپسىزدىك كوميتەتى دەپارتامەنتى الەۋمەتتىك جەلىلەردە «پەتروپاۆل قالاسى جۇمىسشىلارىنىڭ حالىق كەڭەسى» قۇرىلعانى جونىندەگى بەينەروليكتى ورنالاستىرۋ دەرەگى بويىنشا قىلمىستىق كودەكستىڭ 180-بابى 2-بولىگى بويىنشا (باق پايدالانا وتىرىپ ادامدار توبىمەن سەپاراتيزمدى ناسيحاتتاۋ) سوتالدى تەرگەپ-تەكسەرۋ باستادى», دەلىنگەن حابارلامادا.
وسى كۇنى وبلىستىق پوليتسيا دەپارتامەنتى مەن ۇلتتىق قاۋىپسىزدىك كوميتەتى دەپارتامەنتىنىڭ تەرگەۋشىلەرىنەن جەدەل-تەرگەۋ توبى قۇرىلعان.
ء«ىس بويىنشا پروتسەسس پروكۋرورلارى ايقىندالدى. سوتالدى تەرگەپ-تەكسەرۋ شەڭبەرىندە جەدەل-تەرگەۋ ءىس-شارالارى, ونىڭ ىشىندە ءتىنتۋ مەن الۋ جۇرگىزىلىپ جاتىر, سونداي-اق ءتيىستى سوت ساراپتامالارى تاعايىندالدى», دەلىنگەن حابارلامادا.
بۇعان دەيىن الەۋمەتتىك جەلىلەردە كەيبىر «بەلسەندىلەر» قازاق كسر-ءنىڭ 1937 جىلعى كونستيتۋتسياسى نەگىزىندە «جۇمىسشىلاردىڭ حالىق كەڭەسى» قۇرىلعانىن جاريالاعانى تۋرالى ۆيدەولار مەن حابارلامالار پايدا بولدى. سونىمەن قاتار ۆيدەودا جينالعاندار قازاقستان رەسپۋبليكاسىن «كورپوراتسيا» دەپ اتاپ, ءتۇرلى قاستاندىق تەوريالارىن العا تارتادى.
