پالاتا سپيكەرى قازاقستان مەن يزرايل اراسىندا دوستىق پەن ءوزارا سەنىمگە نەگىزدەلگەن كوپجاقتى جانە بەرىك سەرىكتەستىك قاتىناس ورناعانىن اتاپ ءوتتى. سونداي-اق ول يزرايل حالقىن اتالعان مەملەكەتتىڭ تاۋەلسىزدىگىنە 75 جىل تولۋىمەن قۇتتىقتادى.
«قازاقستان ءيزرايلدى «وركەنيەتتەر ديالوگىن» ودان ءارى دامىتۋ جانە الەم حالىقتارىنىڭ مادەنيەتارالىق ىنتىماعىن قامتاماسىز ەتۋ ىسىندە ماڭىزدى سەرىكتەس رەتىندە تانيدى. ءبىز ءيزرايلدىڭ باس سەفارد ءراۆۆينى يتسحاك يوسەف پەن ءيزرايلدىڭ باس اشكەنازي ءراۆۆينى دەۆيد لاۋعا الەمدىك جانە ءداستۇرلى دىندەر ليدەرلەرىنىڭ VII سەزىنە بەلسەندى قاتىسقانى ءۇشىن العىسىمىزدى بىلدىرەمىز. سەزدىڭ جۇمىسى حالىقتار اراسىنداعى بەيبىتشىلىك پەن كەلىسىمدى ىلگەرىلەتۋگە, دىنارالىق ديالوگتى دامىتۋعا جانە الەمدە ادامگەرشىلىك قۇندىلىقتاردى دارىپتەۋگە باعىتتالعان», دەدى ماۋلەن اشىمباەۆ.
سونىمەن قاتار سەنات توراعاسى قازاقستان پرەزيدەنتى قاسىم-جومارت توقاەۆتىڭ باستاماسىمەن ەلىمىزدە ىسكە اسىرىلىپ جاتقان اۋقىمدى ساياسي جاڭعىرتۋلاردىڭ ناتيجەلەرىنە توقتالىپ ءوتتى.
ءوز كەزەگىندە ەلشى قازاقستاندا قولعا الىنعان قوعامدىق-ساياسي وزگەرىستەردى جوعارى باعالادى جانە بارلىق باعىت بويىنشا ىنتىماقتاستىقتى كەڭەيتۋگە مۇددەلى ەكەنىن ءبىلدىردى. ودان بولەك, تاراپتار پارلامەنتارالىق ءوزارا ءىس-قيمىلدى ارتتىرۋدىڭ ماڭىزىنا نازار اۋداردى.
