ۆەدومستۆونىڭ مالىمەتىنشە, ءبىرىنشى سىنىپقا بارۋعا ءوتىنىش قابىلداۋ 1 ساۋىردە باستالىپ, 1 تامىزعا دەيىن جالعاسادى. مەملەكەتتىك ءبىلىم بەرۋ قىزمەتى egov.kz ۆەب-پورتالىندا جانە جەرگىلىكتى اتقارۋشى ورگانداردىڭ اقپاراتتىق جۇيەلەرىندە قولجەتىمدى.
ورتا ءبىلىم بەرۋ كوميتەتىنىڭ باس ساراپشىسى ەرلان ماەمەروۆ ءبىرىنشى سىنىپقا اتا-اناسىنىڭ نەمەسە زاڭدى وكىلىنىڭ جەكە ءوتىنىشى نەگىزىندە التى جاستان باستاپ قابىلداناتىنىن, ءوتىنىشتىڭ ءوزى ەرىكتى تۇردە ۇسىنىلاتىنىن اتاپ ءوتتى. وعان بالانىڭ دەنساۋلىعى تۋرالى انىقتاما - №065/ۋ, بالانىڭ دەنساۋلىق پاسپورتى 026/ۋ-3 جانە بالانىڭ 3*4 فورماتىنداعى فوتوسى (2 دانا) كەرەك.
«وتىنىشتەر دەمالىس جانە مەرەكە كۇندەرىن قوسپاعاندا, دۇيسەنبىدەن جۇماعا دەيىن قابىلدانادى. سونىمەن قاتار 1-2 ءساۋىر دەمالىس كۇندەرىنە سايكەس كەلەتىنىن ەسكەرسەك, تۇسكەن ءوتىنىشتىڭ بارلىعى 3 ساۋىردە قارالادى», دەدى ەرلان ماەمەروۆ.
جاڭا وقۋ جىلىندا 400 مىڭنان استام بالا ءبىرىنشى سىنىپقا بارادى دەپ بولجانىپ وتىر.
