ساياسات • 29 ناۋرىز, 2023

ءۇندىستان - قازاقستان اراسىنداعى ماشينا جاساۋ سالاسى ارتادى

179 رەت كورسەتىلدى

2023 جىلعى 29 ناۋرىزدا ءۇندىستاننىڭ قازاقستانداعى ەلشىلىگى «استانا» حالىقارالىق قارجى ورتالىعىمەن (احقو) بىرلەسىپ ءۇندىستان مەن قازاقستان اراسىندا ماشينا جاساۋ تاۋارلارى مەن قىزمەتتەرى نارىعىن دامىتۋ بويىنشا بيزنەس-كونفەرەنتسيا ۇيىمداستىردى, دەپ حابارلايدى Egemen.kz.

ءىس-شارا ءۇندىستان مەن قازاقستان اراسىنداعى ماشينا جاساۋ تاۋارلارى مەن قىزمەتتەرى سالاسىنداعى ىنتىماقتاستىققا سەرپىن بەرۋگە ارنالعان. ءىس-شارا گيبريدتى فورماتتا ءوتتى. تالقىلاۋ ءۇندىستان-قازاقستان ينجەنەرلىك ىنتىماقتاستىعىنىڭ بولاشاعىنا جانە ەكى ەلدىڭ اعىمداعى ىنتىماقتاستىعىنا نەگىزدەلگەن ەڭ ۇزدىك قولجەتىمدى زاماناۋي شەشىمدەرگە باعىتتالعان.

ءۇندىستاننىڭ قازاقستانداعى ەلشىسى شۋبحدارشيني تريپاتي حانىم ءوزىنىڭ قۇتتىقتاۋ سوزىندە ءۇندىستاننىڭ ماشينا جاساۋ سەكتورى سوڭعى بىرنەشە جىلدا ينفراقۇرىلىم مەن ونەركاسىپتىك وندىرىسكە ينۆەستيتسيالاردىڭ ۇلعايۋىنا بايلانىستى ايتارلىقتاي ءوسۋدىڭ كۋاسى بولعانىن اتاپ ءوتتى. ءوندىرىس جانە ينفراقۇرىلىم سەكتورلارىمەن تىعىز بايلانىستى ماشينا جاساۋ سەكتورى ءۇندىستان ەكونوميكاسى ءۇشىن ستراتەگيالىق ماڭىزعا يە ەكەنىن شۋبحدارشيني تريپاتي حانىم اتاپ ءوتتى.

ف

قازاقستان تاراپىنان قازاقستاننىڭ يندۋستريا جانە ينفراقۇرىلىمدىق دامۋ ۆيتسە-ءمينيسترى دينارا ششەگلوۆا قۇتتىقتاۋ ءسوز سويلەدى. ءوز سوزىندە ول قازاقستاندا ماشينا جاساۋدىڭ ءوسۋ قارقىنى تۇراقتىلىق پەن تيىمدىلىكتى كورسەتەتىنىن اتاپ ءوتتى. 2022 جىلى سالا ءوندىرىسىنىڭ كولەمى 3,1 ترلن تەڭگەنى قۇرادى جانە 2021 جىلمەن سالىستىرعاندا 30% - عا ءوستى (2,4 ترلن تەڭگە). ءوز ءسوزىن اياقتاي وتىرىپ, ول ۇندىلىك سەرىكتەستەردى ەاەو-داعى ىشكى نارىقتىڭ جانە پەرسپەكتيۆالى وتكىزۋ نارىقتارىنىڭ ۇلكەن كولەمىنە بايلانىستى قازاقستان رەسپۋبليكاسىن يندۋستريالاندىرۋعا قاتىسۋعا شاقىردى.

ف

ءۇندىستاننىڭ جەتەكشى سالالىق ورگانداردىڭ وكىلدەرى, اتاپ ايتقاندا, ءۇندىستاننىڭ قىزمەتتەردى ەكسپورتتاۋعا جاردەمدەسۋ كەڭەسى (SEPC), ءۇندىستاننىڭ ماشينا جاساۋ ەكسپورتىنا جاردەمدەسۋ كەڭەسى (EEPC) جانە ينۆەستيتسيالاردى كوتەرمەلەۋ جانە ىلگەرىلەتۋ جونىندەگى جەتەكشى اگەنتتىك Invest India ءۇندىستاننىڭ[ كومپانيالاردىڭ الەۋەتىن كورسەتۋ جانە ىنتىماقتاستىقتى كەڭەيتۋ جولدارىن ايتۋ ماقساتىندا پرەزەنتاتسيالار جاسادى.

قازاقستان ماشينا جاساۋ وداعى ديرەكتورىنىڭ ورىنباسارى قۋانىش تايشىبەكوۆ قازاقستاننىڭ ماشينا جاساۋ نارىعىنا تالداۋ جاسادى. ول وداق شەتەلدىك كاسىپورىندارعا قازاقستاندا بيزنەس جۇرگىزۋ ءۇشىن قولايلى ەكونوميكالىق, قارجىلىق جانە قۇقىقتىق جاعدايلاردى تۇسىندىرۋدە كومەك كورسەتۋگە دايىن ەكەنىن اتاپ ءوتتى. ءسوزىن اياقتاي وتىرىپ, ول ءۇندىستان ونەركاسىبىنىڭ وكىلدەرىن 2023 جىلى قازاقستاندىق ماشينا جاساۋ فورۋمىنا قوسىلۋعا شاقىردى. احقو كەڭەسشىسى تيمۋر سەمبينوۆ ۇندىلىك دەلەگاتسياعا احقو قىزمەتىمەن تانىستىرۋ ءۇشىن پرەزەنتاتسيا ۇسىندى.

ءىس-شاراعا BMI bearings India, Van-Bent Minerals PVT, Distinct Techno Concept Pvt, Polymechplast Machines, Hilek Auto Industries, Rajendra Special Metals and alloys, Nexus alloys and Steels جانە ت. ب. سياقتى جەتەكشى ءۇندى ينجەنەرلىك كومپانيالارى, سونداي-اق قازاقستاندىق Tengis پليۋس, امكادور استانا, قازكومپرەسسور, ەلپا, UK-ينجينيرينگ, Azam-KS سياقتى كومپانيالار قاتىستى.