زاڭسىز اينالىمنان سينتەتيكالىق ەسىرتكىنىڭ رەكوردتىق پارتياسى – 200 كەلى دايىن ءونىم مەن 15 توننا پرەكۋرسور جانە زەرتحانالىق قۇرال-جابدىقتار تاركىلەندى.
زەردەلەۋ بارىسىندا جەدەل قىزمەتكەرلەردىڭ نازارىنا قازاقستانعا تىيىم سالىنعان زاتتاردىڭ اۋقىمدى ءوندىرىسىن ۇيىمداستىرۋ جانە ونى ءارى قاراي تمد ەلدەرىندە ىسكە اسىرۋ ماقساتىندا كەلگەن شەتەلدىك ازامات ىلىكتى.
جەدەل ءىس-شارالاردى جالعاستىرۋ بارىسىندا تۇركىستان وبلىسىنداعى جاسىرىن ءوندىرىس بازاسى انىقتالدى.
ەسىرتكى زەرتحاناسى زاماناۋي قۇرالدارمەن جابدىقتالىپ, 0.4 گەكتار اۋماقتا ورنالاسقان جانە قورشاۋ بويىمەن بەينە باقىلاۋ كامەرالارى مەن قوزعالىس سەنسورلارى قويىلعانىن اتاپ ءوتۋ قاجەت. قاسكۇنەم قۇپيالىق شارالارىن قاتاڭ ساقتاپ كەلگەن.
ۇيىمداستىرۋشى «الفا-PVP» پسيحوتروپتىق زاتىن ازىرلەۋ ساتىندە, ياعني قولما-قول قىلمىس ۇستىندە ۇستالدى.
اتالعان فاكت بويىنشا ۇقك سوتقا دەيىنگى تەرگەۋ ماتەريالىن تىركەدى.
حالىقارالىق ەسىرتكى بيزنەسىنە قارسى ءىس-قيمىل بويىنشا جۇمىس جالعاسىپ جاتىر.
