ۇلتتىق ستاتيستيكا بيۋروسىنىڭ مالىمەتىنشە، پايدالانۋعا بەرىلگەن تۇرعىن ءۇي سانى بويىنشا الماتى قاتارىنان ەكىنشى اي كوش باستادى: +102،2%. سونداي-اق العاشقى ۇشتىككە ماڭعىستاۋ وبلىسى (+80،7%) مەن شىمكەنت (+61،5%) قالالارى ەندى.
بۇل رەتتە 20 ءوڭىردىڭ ۇشەۋىندە، ياعني سقو (-28،1%)، ۇلىتاۋ وبلىسى (-25،7%) جانە استانادا (-0،1%) تۇرعىن ءۇيدى پايدالانۋعا بەرۋدىڭ تەرىس ديناميكاسى بايقالادى.
بيىل ەكى ايدا عانا 4 568 تۇرعىن ءۇي عيماراتى پايدالانۋعا بەرىلدى. ونىڭ 178-ءى – كوپقاباتتى ۇيلەر، 4374-ءى – جەكە ۇيلەر جانە 16 جاتاقحانا.
پاتەرلەر ەڭ كوپ پايدالانۋعا بەرىلگەن وڭىرلەردىڭ بەستىگى:
- استانا – 5 074;
- الماتى – 4 463;
- الماتى وبلىسى – 1 430;
- اقمولا وبلىسى – 1 184;
- ماڭعىستاۋ وبلىسى – 1077.
جىل باسىنان بەرى 18 902 پاتەر پايدالانۋعا بەرىلدى (وتكەن جىلمەن سالىستىرعاندا 34،5%-عا كوپ).
قازاقستاندا قاڭتار-اقپان ايلارىندا تۇرعىن ءۇي قۇرىلىسىنىڭ ناقتى قۇنى 370 ميلليارد تەڭگەدەن استى. بۇل وتكەن جىلدىڭ وسى كەزەڭىمەن سالىستىرعاندا 53،1 پايىزعا كوپ. قاراجاتتىڭ ۇشتەن ءبىرى، ياعني 103 ميلليارد تەڭگەگە جۋىعى الماتىداعى تۇرعىن ءۇي قۇرىلىسىنا جۇمسالدى.
قازاقستان بويىنشا قۇرىلىستىڭ ناقتى قۇنى 1 شارشى مەترگە 172،3 مىڭ تەڭگەنى قۇرادى.
ەگەمەن قازاقستان • كەشە
تاريحي اتشاباردى قايتا اشقان ازامات
تۇلعا • كەشە
ءادىلدىڭ ونەرى جوعارى باعالاندى
حوككەي • كەشە
سپورت • كەشە
سپورت • كەشە
وقيعا • كەشە
ۇقساس جاڭالىقتار
ونلاين 
