جىلى لەبىزدەر لەگى

وزبەكستان پرەزيدەنتى شاۆكات ميرزيëەۆ قۇتتىقتاۋ جەدەل­حاتىندا ەجەلدەن باستاۋ الا­تىن ناۋرىز مەيرامىنىڭ فيلو­سوفيالىق ءمان-مازمۇنىندا قازاق پەن وزبەك حالىقتارىنا ورتاق ادەت-عۇرىپتار مەن قۇندى­لىق­تار كورىنىس تاپ­قانىن اتاپ ءوتىپ، ەكى حالىق تا بۇل مەرەكەنى زور ۇمىت­پەن قارسى الاتىنىن ايتقان.

ء«وزارا تاتۋ، كورشىلەس ەلدەر رەتىندە ارامىزداعى ىنتىماق­تاس­تىق ەكى حالىقتىڭ مۇددەسىنە ساي دامي تۇسەتىنىنە سەنىمدىمىن. جوعارى دەڭگەيدەگى بايلانىستار­دى ودان ءارى جانداندىرىپ، سترا­تەگيالىق سەرىكتەستىگى­مىز بەن وداق­­تاستىق قارىم-قاتىنا­سى­مىز­­دى نىعايتا تۇسۋگە مۇمكىن­دى­گى­مىز مول»، دەپ جازىل­عان جەدەلحاتتا.

قىرعىزستان پرەزيدەنتى سادىر جاپاروۆ ءوزىنىڭ جەدەلحا­تىندا جىل باسى سانالاتىن ءارى ىنتىماق-بىرلىككە شاقىرا­تىن ناۋ­رىز مەيرامىندا باۋىرلاس قا­زاق حالقىنا باق-بەرەكە تىلەدى.

«وسى جىل ءبىزدىڭ ەلدەرىمىز ءۇشىن دامۋ جىلى بولادى دەپ ويلايمىن. ورتاق رۋحاني قۇندىلىقتار مەن دوستىققا، سونداي-اق ستراتەگيالىق سەرىكتەستىككە نەگىزدەلگەن جان-جاقتى قارىم-قاتىناسىمىز ورتاق كۇش-جىگەرىمىزدىڭ ارقاسىندا جۇيەلى تۇردە دامي بەرەتىنىنە سەنىمدىمىن»، – دەپ جازىلعان جەدەلحاتتا.

تاجىكستان پرەزيدەنتى ەمومالي راحمون ءوز قۇتتىقتاۋىندا قاسىم-جومارت توقاەۆقا زور دەنساۋلىق، تابىس، ال باۋىرلاس قازاقستان حالقىنا بەيبىت ءومىر مەن يگىلىك تىلەدى.

«ناۋرىز مەيرامىنىڭ مىزعى­ماس قۇندىلىقتارىن تۋ ەتكەن ەلدەرى­مىز ستراتەگيالىق سەرىكتەستىك اياسىن­دا دوستىق قاتىناستارىمىزدى جانە ءوزارا ءتيىمدى ىنتىماقتاستى­عى­مىز­دى ودان ءارى نىعايتا تۇسە­تى­نىنە سەنىمدىمىن»، – دەپ جازىل­عان تاجىك­ستان پرەزي­دەنتى ە.راحموننىڭ قۇت­تىقتاۋىندا.

ازەربايجان پرەزيدەنتى يلحام اليەۆ ءوزىنىڭ قۇتتىقتاۋ جەدەلحاتىندا ناۋرىز حالىقتارىمىزدىڭ الەمدىك مادەنيەتكە قوسقان قۇندى ۇلەسى دەپ اتاپ ءوتتى.

«بۇل مەرەكە – ءوزارا تۇسىنىستىك، دوستىق پەن ىنتىماقتاستىقتىڭ بەلگىسى. ءبىزدىڭ حالىقتارىمىزدىڭ ەركىمەن قازاق–ازەربايجان دوستىق قارىم-قاتىناسى مەن سەرىك­تەستىگىن ساقتاۋ جانە نىعايتۋ جولىندا بىرلەس­كەن كۇش-جىگەرىمىزدى جال­عاستىرامىز دەپ سەنەمىن»، – دەپ جازىلعان جەدەلحاتتا.

سونىمەن قاتار تۇرىكمەنستان پرەزيدەنتى سەردار بەردىمۇحامەدوۆ، يران پرەزيدەنتى يبراحيم رايسي، گرۋزيا پرەزيدەنتى سالومە زۋرابيش­ۆيلي جانە تۇركسوي حالىقارالىق ۇيىمىنىڭ باس حاتشىسى سۇلتان راەۆ قۇتتىقتاۋ جەدەلحاتتارىن جولدادى. قۇتتىقتاۋ حاتتارى ءالى دە كەلىپ ءتۇسىپ جاتىر.