القادا الىنعان اسۋلار ايتىلدى

ەلىمىزدىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى الماتى قالاسىندا كوشپەلى القا وتىرىسىن وتكىزدى. وندا ۇستىمىزدەگى جىلدىڭ 6 ايىندا ۆەدومستۆونىڭ اتقارعان جۇمىس ناتيجەلەرى سارالاندى. ەسجكا توراعاسى راشيد ءتۇسىپ­بەكوۆتىڭ ايتۋىنشا, بۇگىنگى تاڭدا اگەنتتىك بارلىق نەگىزگى باعىت بوي­ىنشا ءوز قىزمەتىن جۇيەلى ءتۇر­دە جەتىلدىرۋدى جالعاستىرۋدا. قا­بىلدانعان شارالار ناتيجەسىن بەرە باستاعان كورىنەدى. سونداي-اق, 6 ايدا انىقتالعان بارلىق قىلمىستاردىڭ ۇشتەن ءبىر بولىگى اۋىر جانە اسا اۋىر قىلمىستاردىڭ قاتارىنا جاتادى. احۋالدىق ورتالىقتىڭ جۇمىسى اياسىندا 300-گە جۋىق قىلمىس باستاپقى ساتىسىندا-اق انىقتالىپ, توقتاتىلدى جانە مەملەكەتكە 13 ملرد. تەڭگە زالال كەلتىرۋدىڭ جولى كەسىلدى. ءسويتىپ, جىل باسىنان بەرى اتقارىلعان ەلەۋلى ەڭبەكتىڭ ارقاسىندا 17,5 ملرد. تەڭگە قايتارىلدى. قارجى پوليتسياسىنىڭ وزىندە تەرگەۋ مەن جەدەل قىزمەت­كەر­لەردى بىرىكتىرگەن, ياعني سوتقا دەيىن­گى ءوندىرىستى جەتىلدىرۋ ءۇشىن قابىلدانعان شارالاردىڭ ءناتي­جە­سىندە تەرگەۋدىڭ ساپاسى ارتقان. ارىزدار مەن حابارلامالاردى جەدەل قاراۋ ناتيجەسىندە ونىڭ 70 پايىزدان استامى 10 تاۋلىك ىشىندە قارالادى. بۇل ورايدا اگەنتتىك توراعاسى ر. تۇسىپبەكوۆ: «جۇيەلى شارالار مەن باقىلاۋدى نىعايتۋدىڭ ارقاسىندا قىلمىستىق ىستەردىڭ ەسەپكە الۋىنىڭ ايقىندىعىنا قول جەتكىزدىك», – دەدى. تاعى ءبىر ەرەكشە ايتا كەتەر جا­عىم­دى جاڭالىق ول – قارجى پوليتسيا­سى سىبايلاس جەمقورلىق ءۇشىن 140-قا جۋىق ءتۇرلى سالا باسشىلارىن قىلمىستىق جاۋاپكەرشىلىككە تارتتى. 2014 جىلدىڭ 6 ايىندا انىقتالعان سىبايلاس جەمقورلىق قىل­مىستاردىڭ سانى 16 پايىزعا ءوس­كەن. حالقىنىڭ ارقاسىندا باسشى اتانىپ, بىراق بيلىك قولىنا تيگەن سوڭ وبال-ساۋاپتى ۇمىتقان نەبىر ارام قولدى شەنەۋنىكتەر اقى­رى تۇتىلىپ تىندى. ەندى ءالى دە سۇزگىگە ىلىنبەي قالىپ, جىلى كابينەتتەرىندە ماۋجىراپ وتىرعان ارام تاماق شەنەۋنىكتەردى دە انىق­تاپ, قولدارىنا كىسەن سالىنسا, قۇقى تاپتالىپ, ادال ەڭبەكتەرى ەش بولعان تالاي قاراپايىم ادامداردىڭ كوز جاسى اقتالار ەدى. سەبەبى, جۇيەلى سىبايلاسا جەۋ ارە­كەتى ەتەك الىپ بارا جاتقان سىڭايى بار. ماسەلەن, جۇيەلى سىبايلاس جەمقورلىق فاكتىلەرى بويىنشا قىلمىستىق ءىس 1,5 ەسەگە كوپ قوزعالعان. مەملەكەتتىك باعدارلامالاردى ىسكە اسىرۋ سالاسىنداعى انىقتالعان قىلمىستىق ىستەردىڭ سانى 2 ەسەگە جۋىق ارتقان. ءسويتىپ, قىلمىستىق جاۋاپكەرشىلىككە 140-قا جۋىق ءتۇرلى دەڭگەيدەگى باسشىلار, ونىڭ ىشىندە ورتالىق اتقارۋ ورگاندارىنىڭ باسشىلارى, اكىمدەر مەن ولاردىڭ ورىنباسارلارى تارتىلىپ وتىر. مەملەكەتتىك ورگانداردىڭ لاۋا­زىمدى تۇلعالارى تاراپىنان ۇيىمداسقان قىلمىستىق توپتاردى قۇرۋ جانە باسقارۋدىڭ 6 فاكتىسى انىقتالدى. بيۋدجەت قاراجاتىن ۇرلاۋ فاكتىلەرىن انىقتاۋ دا 1,5 ەسەگە ارتسا, پارا الۋ دا وسكەن. قازىرگى كۇنى قارجى پوليتسيا­سى قىلمىستىق ءوندىرىستىڭ جاڭا مودەلىنە كوشۋگە دايىندالۋدا. قىلمىستىق ءوندىرىستىڭ جاڭا مودەلىنە كوشۋگە جارتى جىل ۋاقىت قالدى. بۇعان كوشكەن جاعدايدا توراعا سوتقا دەيىنگى ءوندىرىستىڭ جۇيەسى تۇبەگەيلى وزگەرەتىنىن اتاپ ءوتتى. تەرگەۋگە دەيىنگى تەكسەرىستەر جويى­لادى. تەرگەۋشىلەردىڭ وكىلەت­تىگى كەڭەيتىلەدى. «ءبىر باسقارمادا تەرگەۋشىلەر مەن جەدەل قىزمەتكەرلەردى ءبى­رىك­­تىرىپ, بىرلەسكەن جۇمىستارىن ۇيىم­داستىرىپ, ءبىز الدىن الا قىز­مەتكەرلەردى جاڭا جاعدايعا داي­ىندادىق. بىراق, وسىمەن توق­تا­لىپ قالماي, اتالعان جۇمىستى جال­عاستىرۋ كەرەك. بارلىق جاڭا قۇ­بى­لىستارعا ءبىز دايىن بولۋىمىز قاجەت», – دەدى راشيد ءتۇسىپ­بەكوۆ. قارجى پوليتسياسىنىڭ بار­لىق بولىمشەلەرىنىڭ باسشىلارىنا جەرگىلىكتى جەرلەردە جاڭا قىل­مىس­تىق جانە قىلمىستىق ءىس ءجۇر­گىزۋ كودەكستەرىن زەردەلەۋدى ۇيىم­داس­تىرۋ بويىنشا تاپسىرما بەرىلدى. «كولەڭكەلى» ەكونوميكا سالاسىندا 2,5 مىڭعا جۋىق قىلمىس تىركەلدى» – دەپ اتاپ ءوتتى راشيد تۇسىپبەكوۆ. ولار ەكونوميكالىق قىلمىستاردىڭ 90 پايىزىن قۇرادى. بۇل قارجى پوليتسياسى ورگاندارىنىڭ ادال كاسىپكەرلەردىڭ قىزمەتىنە ارالاسپاي, نەگىزىنەن «كولەڭكەلى» ەكونوميكانى قىسقارتۋعا ارەكەت ەتەتىندىگىن كورسەتەدى.وسىلايشا زاڭدى بيزنەس سۋبەكتىلەرىنىڭ مۇددەلەرى قورعالادى, سەبەبى, ولارعا زاڭدى تۇردە تىركەلمەگەن, سالىق تولەمەيتىن «كولەڭكەلى» ەكونوميكا سۋبەكتىلەرى باسەكەلەستىك جاسايدى. ۇيىمداسقان قىلمىستىق توپتار قىزمەتىنىڭ ەكونوميكالىق نەگىزىن جويۋ بويىنشا جۇمىستار دا جۇرگىزىلۋدە. ولاردىڭ جەتەك­شى­لەرىنە قاتىستى 18 قىلمىستىق ءىس قوزعالدى. سونىمەن قاتار, لاۋازىمدى تۇلعالاردىڭ كاسىپكەرلەردىڭ زاڭدى قىزمەتىنە ارالاسۋ فاكتىلەرى بويىنشا وتكەن جىلدىڭ ۇقساس مەرزىمىنە قاراعاندا, قوزعالعان قىلمىستىق ىستەردىڭ سانى ارتتى. ەلباسىنىڭ تاپسىرمالارىن ورىن­داۋ ماقساتىندا قارجى پولي­تسياسى اگەنتتىگىنىڭ توراعاسى زاڭ شەڭ­بەرىندە جۇمىس ىستەپ, سالىق تولەپ جۇرگەن كاسىپكەرلەردى باقىلاۋشى ورگانداردىڭ تارا­پى­نان قورعاۋدى ءارى قاراي قام­تاماسىز ەتۋدى تاپسىردى. ر.ءتۇ­سىپبەكوۆ كولەڭكەلى بيزنەس پەن شەنەۋنىكتەردىڭ بىرىگۋىنە قاتاڭ توسقاۋىل قويۋعا تاپسىرما بەردى. كولەڭكەلى ەكونوميكا مەن سىبايلاس جەمقورلىقتىڭ تىعىز بايلانىسىنا, سونداي-اق, بۇل قاۋىپتەرگە قارسى كەشەندى شارالار قابىلداۋ قاجەتتىگىنە تاعى دا نازار اۋداردى. الەكساندر تاسبولاتوۆ, «ەگەمەن قازاقستان».