ەگەمەندىكتەر ەڭبەگى ەلەندى

ەگەمەن ەلىمىزدىڭ ەڭسەسىن كوتەرىپ, مەملەكەتتىڭ سىندارلى ساياساتىن جۇزەگە اسىرىپ جۇرگەن جانداردىڭ وسى باعىتتاعى ەرەن ەڭبەكتەرىن تاريحقا مارجانداي ءتىزىپ قالدىرۋدا باق وكىلدەرىنىڭ الار ورنى ەرەكشە. ال ولاردى ماراپاتتاۋ كاسىبي ءتول مەرەكەسى – بايلانىس جانە اق­پا­رات قىزمەتكەرلەرى كۇنى قار­ساڭىندا وتۋدە. وسىنداي قالام ۇس­تا­­عان قاۋىمنىڭ اراسىندا قازاق باس­­پاسوزىنىڭ قاراشاڭىراعى  – رەس­پۋب­ليكالىق «ەگەمەن قازاقستان» گا­زەتىنىڭ بىرقاتار جۋرناليستەرى دە بار. قازاقستان جۋرناليستەر وداعى سىيلىعىنىڭ بيىلعى لاۋرەاتتارى قاتارىندا باسىلىمنىڭ  اق­مولا وبلىسىنداعى مەنشىكتى ءتىل­شىسى باقبەرگەن امالبەك تە بار. سون­داي-اق, مادەنيەت مينيسترلىگى ءتىل كوميتەتىنىڭ «مەملەكەتتىك ءتىل ءجا­نە باق» نوميناتسياسى بويىن­شا ءبىرىنشى ورىندى قوستاناي وب­لى­سىنداعى مەنشىكتى ءتىلشى  ءنازيرا جارىمبەتوۆا يەلەندى. قازاقستان حالقى اسسام­بلەيا­سىنىڭ توراعاسى نۇرسۇلتان نازار­باەۆ­تىڭ قۇرمەت گراموتاسىمەن ەلىمىزدەگى ۇلتارالىق كەلىسىم مەن تۇراقتىلىقتى نىعايتۋعا, وتا­نىمىزعا دەگەن پاتريوتتىق سەزىمدى قالىپ­تاستىرۋعا قوسقان ۇلەستەرى ءۇشىن باس رەداكتوردىڭ ورىنباسارى سامات مۇسا, ال العىس حاتىمەن  ءتىلشى ءلايلا تىلەۋباەۆا ماراپاتتالدى. «باس رەداكتورلار كلۋبى» قو­عام­دىق بىرلەستىگى دايىنداعان «ەۋ­را­­زيانىڭ التىن قالامى», «قازاق­ستاننىڭ ۇزدىك رەداكتورى», «قا­زاق­ستاننىڭ ۇزدىك ءجۋرناليسى» ءتوس­بەلگىلەرىمەن دە بىرقاتار جۋرناليستەر ماراپاتتالدى. ولاردىڭ قاتارىندا قوس شولۋشى, ءارىپ­تەس­تەرىمىز ءاليسۇلتان قۇلانباي مەن الەكساندر تاسبولاتوۆ تا بار. «ەۋرازيانىڭ التىن قالامى» مەدا­لىن ءا.قۇلانباي ومىراۋىنا تاقسا, ا.تاسبولاتوۆ «قازاقستاننىڭ ۇزدىك ءجۋرناليسى» اتاندى. «اقپارات سالاسىنىڭ ۇزدىگى» توسبەلگىسىن ءۇش بىردەي ارىپتەسىمىز ومىراۋلارىنا تاقتى. «ەگەمەن قازاقستاننىڭ» ەكونوميكالىق شولۋشىلارى  سۇڭعات ءالىپباي مەن جىلقىباي جاعىپار ۇلى جانە اتال­عان باسىلىمدا ۇزاق جىلدار قىز­مەت ەتىپ, ەڭبەك دەمالىسى­نا شىق­قان قازاق ءباسپاسوزىنىڭ ارداگەرى جا­مالدىن احمەتوۆ سالانىڭ ءۇز­دىكتەرى دەپ تانىلدى. سونىمەن قا­تار, بايلانىس جانە اقپارات اگەنت­تىگىنىڭ  قۇرمەت گراموتالارىن ءتىلشى ءلايلا تىلەۋباەۆا مەن قىزمەت­كەر­لەر تۇرسىن ەسىلباەۆا جانە دينا ءداۋىت ەنشىلەدى. سونداي-اق, وسى جول­دار­دىڭ اۆتورى دا ۇلت­تىق عا­رىش اگەنتتىگىنىڭ ارنايى العىس حاتىن الدى. جالپى, جۋرناليستيكانىڭ جەل­كەنىن ەسۋدە, اسىرەسە, گازەت-جۋرنال سالاسىندا فوتوجۋرناليستيكانىڭ الار ورنى ەرەكشە. بۇل تۇرعىدا فوتوتىلشىلەر ەڭبەكتەرى دە ەلەنىپ كەلە جاتىر.  مادەنيەت مينيسترلىگى مادەنيەت جانە ونەر ىستەرى كومي­تەتىنىڭ تولەرانتتىلىق پەن قا­زاق­ستاندىق ءپاتريوتيزمدى نىعايتۋ يدەيا­سىنا ارنالعان «قازاقستان – دوستىق بەسىگى» اتتى ءىى فوتوكونكۋرسىندا ءفوتوتىلشى ەرلان وماروۆتىڭ باعى جانىپ, ءبىرىنشى ورىن يەگەرى بولدى. وزىندىك وي-قيالى مەن كاسىبي شەبەرلىگىن قاتار ۇشتاپ جۇرگەن ە.وماروۆ تۇسىرگەن فوتوسۋرەتتەردىڭ سىن كوزدىڭ تالابىنان شىعىپ جۇلدە الۋى ارىپتەستەرىن ءبىر قۋانتىپ تاس­تادى. ارىپتەستەرىمىزدى كاسىبي ءتول مە­رە­كەلەرى قارساڭىندا العان ءجۇل­دە­لەرىمەن قۇتتىقتاپ, ولارعا شالقار شى­عارماشىلىق تابىستار تىلەيمىز. ءابدىراحمان قىدىربەك, «ەگەمەن قازاقستان».