جاڭا مەشىتتە بولدى

مەملەكەت باسشىسى نۇر­سۇلتان نازارباەۆ استاناداعى قابانباي باتىر داڭعىلى بويىندا ورنالاسقان جاڭا مە­شىتتە بولدى, دەپ حابارلا­دى پرەزيدەنتتىڭ ءباسپاسوز قىز­مەتى. ەلباسى قازاقستاننىڭ بارشا مۇسىلمان قاۋىمىن قاسيەتتى رامازان ايىمەن قۇتتىقتادى. –  بۇل ايدا جۇرتتار, قۇران كارىمدە وسيەت ەتىلگەندەي, ورازا ۇستايدى. قۇران قاعيداتتارىنا سايكەس, وسى ايدا ادام بالاسى اللاعا جاقىنداي تۇسەدى جانە ولار مەيىرىم, باقىت, بەرەكە-بىرلىك, تولەرانتتىلىق, وزگە جاندارعا قايىرىمدىلىق جاساۋ,  كۇنالارىنان ارىلۋ جانە مەدەت تىلەۋ جونىندە ويلانۋعا ءتيىس. ەلىمىزدىڭ بارشا مۇسىلماندارىنا ۇلىق ورازا ايىنىڭ سىناعىنان سۇرىنبەي ءوتۋدى تىلەيمىن, – دەدى قازاقستان پرەزيدەنتى. «پريگورودنىي» تۇرعىن الابىندا, ارناساي كوشەسى مەن قابانباي باتىر داڭعىلىنىڭ قيى­لىسىندا ورنالاسقان جاڭا مەشىتتى كورۋ بارىسىندا نۇر­سۇل­تان نازارباەۆ ونىڭ ەلورداداعى سەگىزىنشى مەشىت ەكەنىن اتاپ ءوتتى. – مەشىت ەلوردامىزعا كە­لە­تىن قوناقتار ءۇشىن قولايلى. بو­لاشاقتا بۇل مەشىت تەك ىزگىلىك پەن بىرلىكتىڭ قۇتتى مەكەنى بولادى دەپ سەنەمىن, – دەدى مەملەكەت باسشىسى. مەشىتتىڭ جالپى الاڭى – 1087,6 شارشى مەتر, جەرىنىڭ اۋ­ماعى – 8 گەكتار, مۇناراسىنىڭ بيىك­تىگى – 28,9 مەتر.  عيماراتى  1500 ادامعا لايىقتالعان.