ۇلتتىق ۇلاننىڭ «شىعىس» وڭىرلىك قولباسشىلىعىنا قاراستى 6679 اسكەري ءبولىمىنىڭ جەكە قۇرامى العاشقىلاردىڭ ءبىرى بولىپ داۋىس بەردى. اسكەري بولىمدەگى سايلاۋ ۋچاسكەسى اشىلا سالا، وتان الدىنداعى بورىشىن وتەپ جۇرگەن بارلىق قاتارداعى جاۋىنگەرلەر داۋىس بەرۋگە ساپپەن كەلدى، دەپ حابارلايدى Egemen.kz.
ءبولىم كومانديرىنىڭ ورىنباسارى، مايور نۇرلان باشەنوۆتىڭ ايتۋىنشا، اسكەري بولىمدەگى سايلاۋ ۋچاسكەسىندە داۋىس بەرۋشىلەردىڭ بەلسەندىلىگى وتە جوعارى. اسكەري قىزمەتشىلەردىڭ جەكە قۇرامى عانا ەمەس، ولاردىڭ وتباسى دا ساياسي ناۋقانعا تۇگەل قاتىسقان.
«ۇلتتىق ۇلان اسكەرى - ەلىمىزدىڭ تىنىشتىعى مەن تۇراقتىلىعىنا جاۋاپتى. قانداي دا ءبىر جاعداي بولماسىن ولار قۇقىقتىق ءتارتىپتى قاداعالاپ، جوعارى ازاماتتىق جاۋاپكەرشىلىك پەن بيىك پاتريوتتىق رۋحتى كورسەتە بىلەدى. بۇگىن دە ءار اسكەري قىزمەتشى، ءار جاۋىنگەر ساياسي ناۋقانعا بەلسەندى قاتىسىپ، سايلاۋعا قولداۋ كورسەتۋدە»، دەپ اتاپ ءوتتى ول.
اسكەري بورىشىن وتەپ جۇرگەن ساربازدار مەن قىزمەتتەگى ساردارلاردىڭ ساياسي ناۋقانعا قاتىسۋىنا تولىق مۇمكىندىك جاسالعان. جاۋىنگەرلەردىڭ اراسىندا ساياسي ناۋقانعا ءبىرىنشى رەت قاتىسىپ وتىرعاندار دا بار. ماسەلەن، جاس سارباز اسىلحان ارتىقبەكوۆ قر ۇلتتىق ۇلان ساپىندا قىزمەت اتقارا ءجۇرىپ، بۇگىن ءبىرىنشى رەت داۋىس بەرگەنىن ايتادى.
«العاش رەت بولعان سوڭ تولقۋ بولدى. سايلاۋعا قاتىسۋ ءاربىر ازاماتتىڭ بورىشى دەپ بىلەمىن. ازاماتتىق ۇستانىمىمدى ءبىلدىرىپ، ەلدىڭ دامۋىنا ءوز ۇلەسىمدى قوستىم دەپ ەسەپتەيمىن. بۇل قازاقستاننىڭ بولاشاعىن شەشۋ ءۇشىن ماڭىزدى قادام بولماق. سوندىقتان ءوز داۋسىمدى ءوزىم قالاعان پارتياعا بەردىم»، دەيدى جاس سارباز.
جەكپە-جەك • بۇگىن، 08:40
ءۇشىنشى اينالىمعا جولداما الدى
تەننيس • بۇگىن، 08:38
اعزاعا زيان ترانسماي مولشەرىن قالاي ازايتامىز؟
مەديتسينا • بۇگىن، 08:33
اسكەر • بۇگىن، 08:30
اقپاتەردەگى يننوۆاتسيالىق جوبا
ءونىم • كەشە
عالىم • كەشە
ۇقساس جاڭالىقتار
ونلاين 
