قازاقستاندىق ديپلومات ينكليۋزيۆتى جانە اۋقىمدى رەفورمالار ءۇشىن جاڭارتىلعان دەموكراتيالىق ماندات ارقىلى ۇلتتىق جاڭعىرتۋدى جەدەلدەتەتىن قازاقستان زاڭناماسىنداعى وزگەرىستەر تۋرالى ەگجەي-تەگجەيلى ايتىپ بەردى.
ونىڭ ايتۋىنشا, الداعى سايلاۋ ارالاس سايلاۋ جۇيەسى بويىنشا وتەدى, وندا دەپۋتاتتاردىڭ 70 پايىزى پارتيالىق ءتىزىمنىڭ پروپورتسيونالدىق جۇيەسى بويىنشا, ال 30 پايىزى ماجوريتارلىق جۇيە بويىنشا سايلانادى, ال سايلاۋ ۇدەرىسىنە ايەلدەر مەن جاستاردىڭ بەلسەندى قاتىسۋىن قامتاماسىز ەتۋ ءۇشىن پارلامەنتتەگى دەپۋتاتتىق مانداتتاردى ءبولۋ كەزىندە ايەلدەرگە, جاستارعا جانە مۇگەدەكتەرگە زاڭمەن بەلگىلەنگەن 30 پايىزدىق كۆوتا ەنگىزىلدى.
سونىمەن قاتار پارتيالاردى تىركەۋ ۇدەرىسى جەڭىلدەتىلىپ, ولاردىڭ قازاقستان پارلامەنتى ماجىلىسىنە كىرۋى ءۇشىن شەكتەۋلەر تومەندەتىلدى.
ن.ونجانوۆ كەزدەسۋ بارىسىندا قاتىسۋشىلاردى سايلاۋ ناۋقانىنىڭ بارىسى تۋرالى حاباردار ەتىپ, كوپتەگەن ۇلتتىق جانە حالىقارالىق بايقاۋشىلاردىڭ, سونىڭ ىشىندە ەقىۇ پارلامەنتتىك اسسامبلەياسىنىڭ سايلاۋدى بايقاۋ جونىندەگى مۇشەلەرى رەتىندەگى نەمىس دەپۋتاتتارىنىڭ جانە ەقىۇ-نىڭ ۇزاق مەرزىمدى جانە قىسقا مەرزىمدى ميسسيالارىنا نەمىس بايقاۋشىلاردىڭ قاتىسۋىن قولدادى.
«بۇل سايلاۋ قوعامداعى وزگەرىستەردى كورسەتەدى جانە قازاقستاننىڭ ساياسي جۇيەسىن ودان ءارى جاڭعىرتۋعا سەرپىن بەرەدى. ءبىزدىڭ ەلىمىز ۇلتتىق زاڭناماعا جانە وزىق حالىقارالىق تاجىريبەگە سايكەس ءادىل سايلاۋ وتكىزۋگە ۇمتىلادى», دەدى ەلشى.
نەمىس ساراپشىلارىنىڭ پىكىرىنشە, پارتيالارعا قر پارلامەنتى ماجىلىسىنە ءوتۋ ءۇشىن داۋىستىڭ تومەنگى شەگىن گەرمانيانىڭ مىسالى سەكىلدى 7%-دان 5%-عا تومەندەتۋ پارلامەنتكە ساياسي ارالۋاندىق اكەلەتىن وڭتايلى نۇسقانىڭ ءبىرى.
ورتالىق ازيا بويىنشا ساراپشى انگەلا لەەكە ءوز تاراپىنان ايەلدەرگە, جاستارعا جانە مۇگەدەكتەرگە ورىن ءبولۋ كەزىندە 30 پايىزدىق كۆوتانىڭ ەنگىزىلۋى اياسىندا قازاقستانداعى ايەلدەردىڭ رولىنە ەرەكشە نازار اۋداردى. ونىڭ پىكىرىنشە, قازاقستاندا «ساياساتتا دا, بيزنەستە دە جارقىراپ كورىنەتىن تالانتتى ايەلدەر كوپ جانە ولاردىڭ ەلدىڭ زاڭ شىعارۋشى ورگانىندا كوبىرەك وكىلدىك ەتۋى ونىڭ ءرولىن كۇشەيتەتىنى ءسوزسىز».
