جىل باسىنان بەرى ۇلتتىق قاۋىپسىزدىك كوميتەتى مەن ءىىم رەسەيدىڭ فقق-مەن بىرلەسىپ, بايقوڭىر قالاسى مەن قىزىلوردا وبلىسىنداعى كريمينوگەندىك جاعدايدى ساۋىقتىرۋ بويىنشا ءىس-شارالاردى جۇزەگە اسىرىپ كەلەدى.
اتالعان جۇمىستى جالعاستىرا وتىرىپ, ۇقك اسا قاتىگەزدىكپەن ەرەكشەلەنەتىن كەزەكتى ۇيىمداسقان قىلمىستىق توپتى جەدەل زەردەلەۋگە الدى. ونىڭ قاتىسۋشىلارىنىڭ اۋىر جالپى قىلمىستارعا, اتاپ ايتقاندا كىسى ۇرلاۋ, بوپسالاۋ, ۇرلىق, كىسى ولتىرۋگە وقتالۋعا قاتىسۋى قۇجاتتالدى. 
15-16 ناۋرىزدا ۇقك-فقق, سونداي-اق ءىىم جانە پروكۋراتۋرا قىزمەتكەرلەرى قاتارىنان مەملەكەتارالىق جەدەل-تەرگەۋ توبى الماتى, قىزىلوردا جانە بايقوڭىر قالالارىندا قىلمىستىق ارەكەتتىڭ 13 جەتەكشىسى مەن بەلسەندى قاتىسۋشىلارىن ۇستاۋ بويىنشا بىرجولعى ارنايى وپەراتسيا جۇرگىزدى.
سوتقا دەيىنگى تەرگەپ-تەكسەرۋ باستالدى, ۇستالعانداردىڭ وزگە دە قىلمىستار جاساۋعا قاتىستىلىعى انىقتالىپ جاتىر.
