قوعام • 17 ناۋرىز، 2023

ەلىمىزدەن ءىرى قارا مال مەن ۇساق مال اكەتۋگە كۆوتا ەنگىزىلەدى

28 رەت كورسەتىلدى

اۋىل شارۋاشىلىعى مينيسترلىگى «اۋىل شارۋاشىلىعى جانۋارلارىن قازاقستان رەسپۋبليكاسىنىڭ اۋماعىنان اكەتۋدىڭ كەيبىر ماسەلەلەرى تۋرالى» بۇيرىق ازىرلەدى، دەپ حابارلايدى Egemen.kz.

اتاپ ايتقاندا، التى اي مەرزىمگە ءىرى قارا مال مەن ءتىرى قويلارعا ساندىق شەكتەۋلەر (كۆوتالار) ەنگىزىلەدى:

  • 60 000 (الپىس مىڭ) باس ءتىرى ءىرى قارا مالدى قازاقستان رەسپۋبليكاسىنىڭ اۋماعىنان ءۇشىنشى ەلدەرگە جانە ەۋرازيالىق ەكونوميكالىق وداق ەلدەرىنە اكەتۋگە;
  • 120 000 ء(جۇز جيىرما مىڭ) باس ءتىرى قويلار مەن ەشكىلەر قازاقستان رەسپۋبليكاسىنىڭ اۋماعىنان ءۇشىنشى ەلدەرگە جانە ەۋرازيالىق ەكونوميكالىق وداق ەلدەرىنە اكەتۋگە.

قۇجاتتا بەلگىلەنگەن ساندىق شەكتەۋدەن اسىپ كەتكەن جاعدايدا، اشجب اۆتوماتتى تۇردە جانۋارلاردى كارانتينگە قويۋدى، بابج اج ۆەتەريناريالىق سەرتيفيكاتتاردى بەرۋدى بۇعاتتايتىنى ايتىلعان.

سونداي-اق بۇقاشىقتاردى كارانتينگە قويۋعا شەكتەۋ ەنگىزىلدى:

  • بورداقىلاۋ الاڭدارى ءۇشىن – 30 000 (وتىز مىڭ) باس;
  • تاۋار وندىرۋشىلەر ءۇشىن – 30 000 (وتىز مىڭ ) باس.

ەركەك توقتىلاردى كارانتينگە قويۋ ءۇشىن ساندىق ليميت:

  • بورداقىلاۋ الاڭدارى ءۇشىن – 30 000 (وتىز مىڭ ) باس;
  • تاۋار وندىرۋشىلەر ءۇشىن – 90 000 (توقسان مىڭ) باس.

قازاقستان رەسپۋبليكاسىنىڭ اۋماعىنان بۇقاشىقتاردى اكەتۋگە كۆوتا الۋ ءۇشىن ءبىر بورداقىلاۋ الاڭىنا ارنالعان ليميت جيىنتىق مولشەردە 500 (بەس ءجۇز) باستان اسپايدى، ءبىر تاۋار ءوندىرۋشى ءۇشىن – 200 (ەكى ءجۇز) باستان اسپايدى.

قۇجات 4 ساۋىرگە دەيىن تالقىلاۋ ءۇشىن اشىق نقا سايتىندا جاريالاندى.

2022 جىلى قازاقستاندا ءىرى قارا مالدى، قوي-ەشكىنى ەكسپورتتاۋعا تىيىم سالىنسا، بيىلعى جىلدىڭ باسىنان باستاپ بۇل جانۋارلاردى ەكسپورتتاۋعا كۆوتالار ەنگىزىلدى.

ۇقساس جاڭالىقتار