جۇلدىزدار كۇندە تۋمايدى

استانا كۇنىنە ارنالعان ءىس-شارالاردىڭ ىشىندە ءىى «استانا جۇلدىزى» كاسىبي مۋزىكا بايگەسىنىڭ وزگە شارالارعا قاراعاندا ورنى بولەك. جوبانىڭ ۇيىمداستىرۋشىلارى داۋىس بەرۋدىڭ ءبىرىنشى كەزەڭى ءوز مارەسىنە جەتكەنىن حابارلادى. كاسىبي ساراپشىلار 11 اتالىم بويىنشا جەڭىمپاز بولۋعا لايىق دەپ تابىلعان مىقتىلاردى تاڭداپ الدى. ەندى, ۇزدىك ۇشتىككە ىلىككەندەر قازاقستان شوۋ-بيزنەسىندە ەڭ ۇزدىك اتانىپ, التىن جۇلدىز ءۇشىن ءوزارا باق سىنايدى. ءىى «استانا جۇلدىزى. ۇلتتىق مۋزىكا بايگەسىنىڭ» جەڭىمپازدارى بەيبىتشىلىك جانە كەلىسىم سارايىندا قالا كۇنى قارساڭىندا ماراپاتتالادى. ايتۋلى ونەر بايقاۋىنا وراي ءبىز استانا قالاسى مادەنيەت باسقارماسىنىڭ باسشىسى بولات ماجاعۇلوۆقا جولىعىپ, اڭگىمەگە تارتقان ەدىك. – بولات باۋىرجان ۇلى, «اس­تانا جۇلدىزى» بايگەسى بيىل ­وسىمەن ەكىنشى رەت ءوتىپ وتىر­عانى­نا قاراماستان جۇرت­شىلىق بۇل شا­راعا قاتتى قىزىعۋشى­لىق تانىتۋدا. جوبا نەسىمەن جان ­باۋرايدى؟ – مەنىڭ ويىمشا, جۇرت بۇل بايگەگە بىرىنشىدەن, ونىڭ قازاق­­ستاندىق مۋزىكا يندۋسترياسى بولاشاعىنا قوساتىن ۇلەسى ءۇشىن, ەكىنشىدەن, ماڭىزدىلىعىنا بايلانىستى قولداۋ بىلدىرۋدە, ال ۇشىنشىدەن, مۇنداي يدەيا ەشكىمدى بەيجاي قالدىرماسى انىق. قازاق توپىراعى تالانتقا ەشقاشان كەندە بولعان ەمەس, ونىڭ دالەلى, قازاق ەستراداسىندا ونەر كورسەتىپ جۇرگەن جارىق جۇلدىزداردى اتاساق, سونىڭ ءوزى جەتكىلىكتى. سوندىقتان ارتىستەر, كومپوزيتورلار, جالپى بارشا ونەر يەسى وزدەرىنىڭ ەڭبەگىنە لايىق ءتيىستى باعاسىن الۋى كەرەك دەپ ويلايمىن. ارينە, قازاقستاننىڭ كاسىبي مۋزىكالىق بايگەسىن وتكىزۋ يدەيا­سى مۇنان الدەقايدا كوپ بۇرىن قوزعالعان بولاتىن. سول ويى­مىز تەك بىلتىر عانا استانا كۇنى­نىڭ 15 جىلدىعى مەرەكەسىندە جۇزەگە استى. ءبىز ءۇشىن ەڭ الدىمەن نە ­ما­ڭىز­­دى دەسەك, الدىمەن اۋزىمىز­عا ونىڭ ساپالىق دەڭگەيى ىلىگۋى زاڭ­دى. مىسالى, اقش-تا ەڭ تانى­مال برەند جانە ساپالى بايگە «گرەممي» بولسا, قازاقستاندا «استانا جۇلدىزى» بولۋى كەرەك. العا قويعان ماقساتىمىزدى ورىنداۋ ءۇشىن قولدان كەلگەنشە تىرىسىپ-باعۋدامىز. العاشقى «استانا جۇلدىزى» ۇلتتىق مۋزىكا بايگەسىنەن كەيىن بۇل جوبا ۇلكەن تانىمالدىققا يە بولدى. وعان ساراپشىلار مەن سىنشىلاردىڭ, ونەر يەلەرىنىڭ وڭ پىكىرلەرى دالەل بولا الادى. – «استانا جۇلدىزى» بايگە­سىنىڭ باسقا بايقاۋلاردان ايىر­ماشىلىعى نەدە؟ – «استانا جۇلدىزى» جەڭىم­پازدى تاڭداۋدا قاتەلىككە جول بەرمەۋىمەن ەرەكشەلەنەدى. مۇندا مىقتىلاردى كورەرمەن دە, جان­كۇيەر دە ەمەس, كادىمگى كاسىبي ساراپشىلار انىقتايدى. وتاندىق مۋزىكانىڭ دامىپ, جاڭعىرۋىنا ايتارلىقتاي ۇلەس قوساتىن ونەر­پازدار قۇرامىندا ءجۇز كاسىبي مامان بار. ولار – بەلگىلى ارتىستەر, پروديۋسەرلەر, كومپوزيتورلار, اقىندار, مۋزىكا جانە fashion-ءوندىرىس ماماندارى, باق وكىلدەرى. مۇنى قازاقستاننىڭ مۋزىكالىق اكادەمياسى تاڭدايدى. داۋىس بەرۋدىڭ بۇل جۇيەسى الەمدىك دەڭ­گەيدە قولدانىلىپ ءجۇر. «استانا جۇلدىزى» تەك ونەر جۇلدىزدارىنىڭ دارەجەسىن انىق­تاپ قانا قويماي, مۋزىكانىڭ جاڭا باعىتتارىن انىقتاپ, ۇلتتىق مادەنيەتتىڭ دامۋىنا زور ۇلەس قوسا الۋىمەن قىمبات سانالادى. – ەكىنشى «استانا جۇلدى­­­زى-2014» دوداسى ونەر كوگىندە جاڭا ەسىمدەردىڭ جانۋىنا جول اشىپ وتىر. بۇل كىمنىڭ يدەياسى؟ – «استانا جۇلدىزى-2014» اتاۋىمەن جاڭا جۇلدىزدىڭ اتىن تىركەۋ بايگەنى ۇيىمداستىرۋشىلاردىڭ ورتاق يدەياسى. ءبىز قازاقستان جۇل­­­دىزدارىنا اسپان تورىنەن جۇلدىز سىيلايىق دەگەن شەشىمگە كەلدىك. سەبەبى, «استانا جۇلدىزى» اتاۋى, زاڭعار كوككە قانات قاققان ءمۇسىننىڭ ءوزى وسىنداي ويعا جەتە­لەيدى. جۇلدىز سولتۇستىك جارتى­شاردا «استانا جۇلدىزى» اتاۋىمەن حالىقارالىق «عارىش-جەر» جۇلدىزدار كاتالوگىنا تىركەلدى. – بايگەگە قاتىسۋ ءۇشىن نە ىستەۋ كەرەك؟ – ءبىر جىل تەر توگىپ دايىندالۋ كەرەك. ۇمىتكەرلەر ءوز ەڭبەكتەرىنىڭ ء(ان, بەينە بايان) ساپالى بولۋىن قاداعالاۋى ءتيىس. سەبەبى, ول ساراپشىلاردىڭ نازارىندا بولادى. بايگەنىڭ ۇلتتىق دەڭگەيىن ەسكەرسەك, «استانا جۇلدىزى» ستاتۋەتكاسىنا قول جەتكىزۋ ءار ءارتىستىڭ العا قويعان باستى ماقساتىنا اينالۋى كەرەك. – قاتىسۋشىلارعا تاعى قانداي تىلەك ايتاسىز؟ – ارتىستەر ەرىنبەي, ۇنەمى ىزدە­نىستە جۇرسە ەكەن دەپ تىلەك ايتقىم كەلەدى. كىمدى العا شىعارارىن بىلمەي جىل سايىن ساراپشىلاردىڭ باس­تارى قاتىپ جاتۋى كەرەك. مۋزىكا مەن ءان ماتىندەرىنىڭ, بەينە-باياندار ساپاسىنىڭ ارتقانى قۋانتادى. ال, ادام ەڭبەگى ەشقاشان باعالانباي قالمايدى. سوندىقتان, جۇلدەلى ورىنداردى مەن تەك مىقتىلاردىڭ عانا يەلەنەرىنە سەنەمىن. وسىنداي قىسقا ۋاقىت ارالىعىندا بايگەنى قازاقستاننىڭ مۋزىكا ونەرىندەگى برەندى جاساي العانىمىزعا قۋا­نىش­تىمىن. ال كەز كەلگەن سايىستىڭ بولاشاعى ءوزىمىزدىڭ شوۋ-بيزنەسكە, جۇلدىزداردىڭ ەڭبەكتەرىنە جانە ونى كورسەتە بىلۋىنە بايلانىستى. وتاندىق مۋزىكا يندۋسترياسى ءۇشىن جاڭا ەسىمدەردى تاۋىپ, ساحنا مايتالمانىنا اينالدىرۋ اسا ماڭىزدى ءىس. اڭگىمەلەسكەن قاراشاش توقسانباي, «ەگەمەن قازاقستان». استانا.