سەناتوردىڭ ايتۋىنشا, اۋدان تۇرعىندارىنىڭ قۇقىقتارى جەتكىلىكتى قورعالماعان. ارال ءوڭىرىنىڭ قازاقستاندىق بولىگى ەكولوگيالىق اپات ايماعى بولىپ تانىلدى, وعان قىزىلوردا وبلىسىنىڭ ارال جانە قازالى اۋداندارى, سونداي-اق اقتوبە وبلىسىنىڭ شالقار اۋدانى كىردى.
«تابيعي ءومىر ءسۇرۋ جاعدايلارىنىڭ ناشارلاۋى ناتيجەسىندە اۋدان تۇرعىندارىندا ونكولوگيا, تۋبەركۋلەزبەن سىرقاتتانۋشىلىقتىڭ ءوسۋى بايقالادى. سونداي-اق جەرگىلىكتى تۇرعىندار اللەرگيا, گيپەرتونيا, اسقازان-ىشەك اۋرۋلارى جانە انەميا بەلگىلەرىنە شاعىمدانا باستادى. انا مەن بالا ءولىمى دە بەلەڭ الىپ بارادى. ارال تەڭىزىنەن زارداپ شەككەن اۋدانداردى انىقتاۋ جونىندەگى كوميسسيا قۇرۋ, اۋماقتاردىڭ ەكولوگيالىق جاي-كۇيىنە تالداۋ جۇرگىزۋ قاجەت. سونداي-اق ماڭعىستاۋ وبلىسى بەينەۋ اۋدانىنىڭ اۋماعىن زاڭنامادا كورسەتىلگەن ەكولوگيالىق ايماق ساناتىنا جاتقىزۋ قاجەت», دەدى بەكبول ورىنباساروۆ.
مامانداردىڭ ايتۋىنشا, قازىرگى ۋاقىتتا تەڭىزدەگى سۋ دەڭگەيى 48 سم-گە دەيىن كوتەرىلگەن.
