قىلمىستىق توپقا قاتىسۋشىلاردىڭ قىلمىسىن اشكەرەلەۋ بويىنشا وتكىزىلگەن ارنايى وپەراتسيا بارىسىندا پوليتسيا ورگاندارىنا 10 كۇدىكتى جەتكىزىلگەن.
«ولار كۇزەت قىزمەتىندە وزدەرى ىقپالىن جۇرگىزەتىن اۋماقتاردى بولىسكە سالۋ ءۇشىن بىرنەشە رەت قىلمىستىق قاقتىعىستارعا قاتىسقان. ويىن-ساۋىق ورىندارىندا ادەيى جانجال تۋعىزىپ, سول ورىنداردىڭ يەلەرىن وزدەرىنىڭ قامقورلىعىن قابىلداۋعا ءماجبۇر ەتكەن. قىلمىستىق توپتىڭ بىرقاتار اۋىر جانە اسا اۋىر قىلمىس جاساۋعا, سونىڭ ىشىندە كىسى ولتىرۋگە وقتالۋ, اۋىر دەنە جاراقاتتارى مەن بۇزاقىلىق جاساۋعا قاتىسى بار ەكەنى انىقتالدى», دەلىنگەن حابارلامادا.
سونىمەن قاتار ولار الەۋمەتتىك جەلىلەردە قوعامدىق ورىنداردا اتىس قارۋىن قولداناتىن بەينەروليكتەردى بىرنەشە رەت جاريالاپ, وزدەرىنىڭ شامادان تىس ەركىنسىپ كەتكەندەرىن كورسەتكەنى ايتىلدى. 20-دان اسا ءتىنتۋ شارالارى جۇرگىزىلدى, وق-دارىلەر, سۋىق قارۋ جانە باسقا دا زاتتاي دالەلدەمەلەر تاركىلەندى.
سوتالدى تەرگەۋ جالعاسىپ جاتىر.
