ميلانا پارفيلوۆا شىعىرشىقپەن جانە دوپپەن ونەر كورسەتۋ بويىنشا فينالعا جەتىپ, قوس باعدارلامادا دا كۇمىس جۇلدە جەڭىپ الدى. ەريكا جايلاۋوۆا ۇرشىقپەن ونەر كورسەتۋدە قولا جۇلدەگەر اتانسا, شىعىرشىقپەن كورسەتكەن جاتتىعۋدا 7-ءشى, لەنتامەن ونەر كورسەتۋدە 8-ءشى ورىننان كورىندى. جاستار اراسىندا ايىم مەيىرجانوۆا لەنتامەن جاتتىعۋ كورسەتىپ, قولا جۇلدەگەر اتاندى. ونىڭ ەنشىسىندە 25.850 بالل بار.
كوماندالىق سايىستا ايدانا شاياحمەتوۆا, اياۋلىم قادىر, ارۋجان قاسەنوۆا, ارۋجان قالساەۆا, اقسۇڭقار ءابدىراحمان, اسەل شۇكىرباي 3+2 باعدارلامادا (3 گيمناست لەنتامەن, 2-ءۋى دوپپەن) 25.800 ۇپاي جيناپ, 2-ءشى ورىنعا تۇراقتادى. بۇل سىندا جارىس قوجايىنى گرەكيا توپ جارسا, ۇزدىك ۇشتىكتى اقش قۇراماسى تۇيىندەدى.
قازاقستاندىق جاستاردىڭ فينالداعى لەنتامەن كورسەتكەن باعدارلاماسىنا تورەشىلەر 28.050 بالل بەردى. قازاقستان قۇراماسى يتاليا مەن بولگاريادان كەيىن ءۇشىنشى ورىنعا تابان تىرەدى.
