وتكەن جىلدىڭ اياعىندا الماتى وبلىسىنداعى ۆەدومستۆونىڭ جەدەل قىزمەتكەرلەرى جەدەل شارالار جۇرگىزدى. شارا بارىسىندا ءوڭىر اۋماعىندا ءۇش جاسىرىن زەرتحانادا سينتەتيكالىق ەسىرتكى ءوندىرىسىن ۇيىمداستىرعان سەگىز شەتەل ازاماتى انىقتالىپ, ۇستالعان ەدى.
ودان ءارى جەدەل-ىزدەستىرۋ ءىس-شارالارى بارىسىندا پوليتسيا قوسىمشا وسى قىلمىستىق توپتى قارجىلاندىرۋعا, سونداي-اق پرەكۋرسورلاردى (ەسىرتكى وندىرۋگە ارنالعان حيميالىق زاتتاردى) جانە زەرتحانالىق جابدىقتاردى شەتەلدەن قازاقستانعا جەتكىزۋگە جاۋاپتى ەكى شەتەلدىكتى, ياعني نەگىزگى ۇيىمداستىرۋشىلاردى انىقتاعان.
«پرەكۋرسورلاردى جەتكىزۋدى, ساقتاۋدى جانە وتكىزۋدى ۇيىمداستىرعان ۇيىمداستىرۋشىلاردىڭ ءبىرى الماتى قالاسىندا ۇستالدى. ءتىنتۋ بارىسىندا ول جالعا العان التى قويمادان ەسىرتكى دايىنداۋعا ارنالعان سەگىز «رەاكتور» دەپ اتالاتىن ارنايى زەرتحانالىق جابدىق جانە 13 توننا پرەكۋرسورلار تاركىلەندى», دەلىنگەن حابارلامادا.
وسىلايشا, ەلىمىزدە ەكى توننا سينتەتيكالىق ەسىرتكى وندىرۋگە (4 ميلليون دوزا) جانە سەگىز ءىرى ەسىرتكى زەرتحاناسىن قۇرۋعا جول بەرىلمەدى. سونداي-اق سينتەتيكالىق ەسىرتكى وندىرۋگە ارنالعان 30-دان اسا باسقا جابدىق, ونىڭ ىشىندە ۆاكۋمدىق سۇزگىلەر, تەرمورەگۋلياتورلار, سورعىلار تاركىلەنگەن.
