فۋتبول. الەم چەمپيوناتى: كەلەسى كەزەڭگە وتكەندەر بەلگىلى بولدى

استانا. 27 ماۋسىم. قازىر, ماۋسىمنىڭ 26-سىنان 27-نە قاراعان ءتۇنى الەم چەمپيوناتىنداعى توپتىق ويىنداردىڭ تولىق وينالىپ بىتۋىمەن بىرگە, 1/8 فينالدىق كەزەڭگە جولداما العانداردىڭ اتتارى بەلگىلى بولدى. بۇل تۋرالى egemen.kz حابارلادى. الدىمەن ءوزىمىز سوڭعى رەت حابارلاعان كامەرۋن – برازيليا كەزدەسۋىنەن كەيىن وينالعان ماتچتاردىڭ ناتيجەلەرىن ءبىر ەسكە سالىپ وتەيىك: 24 ماۋسىم. حورۆاتيا – مەكسيكا 1:3, يتاليا – ۋرۋگۆاي 0:1, كوستا-ريكا – انگليا 0:0. 25 ماۋسىم. جاپونيا – كولۋمبيا 1:4, گرەكيا – كوت-د`يۆۋار 2:1, نيگەريا – ارگەنتينا 2:3, بوسنيا – يران 3:1. 26 ماۋسىم. گوندۋراس – شۆەيتساريا 0:3, ەكۆادور – فرانتسيا 0:0. ال 26 ماۋسىم كۇنى تۇندە الاڭعا اقش – گەرمانيا, پورتۋگاليا – گانا فۋتبولشىلارى شىقتى. بۇل كەزدەسۋلەردە نەمىستار قارسىلاستارىن 1:0 ەتىپ ۇتسا, پورتۋگالدار 2:1 ەتىپ تۇزە بۇكتىردى. وسىنىڭ ناتيجەسىندە بۋندەستيم ءبىرىنشى ورنىن ساقتاپ قالدى. ەكىنشى ورىنعا اقش كومانداسى ورنالاستى. ونىمەن بىردەي 4 ۇپاي جيناعان پورتۋگاليا قۇراماسى دوپ ايىرىمى جاعىنان ءۇشىنشى ورىندا قالىپ قويدى. بۇدان ءارى 27 ماۋسىم باستالعان تاڭنىڭ الدىندا كورەيا – بەلگيا, الجير – رەسەي كوماندالارى كۇش سىناستى. بەلگيالىقتار كورەيلەردى 1:0 ەتىپ ۇتسا, كەلەسى ەكى قۇراما اراسىنداعى مىقتى انىقتالمادى – 1:1. اقىرىندا الجير مىقتى بولىپ تانىلدى. ۇپاي سانىن 4-كە تولتىرعان ول بەلگيادان كەيىنگى ەكىنشى ورىندى الىپ, كەلەسى كەزەڭگە جولداما الدى. ەندى پلەي-وفف ويىندارى 28 ماۋسىم كۇنى كەشكە وينالادى. دەمەك, بۇگىن – دەمالىس. سەگىزدەن ءبىر فينالدا مىنا كوماندالار كەزدەسەدى: 28 ماۋسىم. 20-00 ساعات. برازيليا – چيلي. 29 ماۋسىم. 00-00 ساعات. كولۋمبيا – ۋرۋگۆاي. 20-00 ساعات. گوللانديا – مەكسيكا. 30 ماۋسىم. 00-00 ساعات. كوستا-ريكا – گرەكيا. 20-00 ساعات. فرانتسيا – نيگەريا. 1 شىلدە. 00-00 ساعات. گەرمانيا – الجير. 20-00 ساعات. ارگەنتينا – شۆەيتساريا. 2 شىلدە. 00-00 ساعات. بەلگيا – اقش. وسى شايقاستا جەڭگەن قۇرامالار 4-7 شىلدە كۇندەرى وينالاتىن 1/4 فينالعا جولداما الادى. وسىلايشا چەمپيوناتتىڭ كەلەسى كەزەڭىنە ەۋروپانىڭ – 6, وڭتۇستىك امەريكانىڭ – 5, ورتالىق جانە سولتۇستىك امەريكانىڭ – 3, افريكانىڭ 2 كومانداسى شىقتى. ال ازيادان بىردە-ءبىر كوماندا جوق. دامير قوجامقۇل. دەرەككوز: egemen.kz. فوتو: sportbox.ru.