ءتۇرلى كاسىپورىندار (ونىڭ ىشىندە قۇرىلىس كومپانيالارى) مەن تۇرعىنداردىڭ وزدەرى دە قۇرىلىس قالدىعىن قالا شەتىنە شىعارىپ, كورسەتىلمەگەن ورىندارعا توگەدى. بۇل قالا ەكولوگياسىنىڭ ناشارلاۋىنا اسەر ەتىپ قانا قويماي, تۇرعىنداردنىڭ ءومىر سۇرۋىنە قولايسىز جاعداي تۋعىزادى.
بيىل جالپى پايدالانۋ ورىندارىن لاستاعانى (434-2-باپ) جانە اباتتاندىرۋ ەرەجەسىن (505-باپ) بۇزعانى ءۇشىن زاڭ بۇزۋشىلارعا 50 ملن تەڭگەدەن استام سوماعا ايىپپۇل سالىندى. ونىڭ ىشىندە 15 قۇرىلىس كومپانياسى بار.
وتكەن جىلى 300-گە جۋىق تابيعي قوقىس ورنى جويىلدى. 35 مىڭ توننادان استام قوقىس شىعارىلدى. ماسەلەن ەسىل اۋدانىندا – 312 ورىن, الماتى اۋدانىندا – 105 ورىن, بايقوڭىر اۋدانىندا – 90 ورىن, سارىارقا اۋدانىندا – 44 ورىن.
اكىمدىك تابيعاتتى قورعاۋ پوليتسياسىمەن, استانا قالاسىنىڭ ەكولوگيا دەپارتامەنتىمەن, ء«ىKomek 109» بىرىڭعاي بايلانىس ورتالىعىمەن بىرلەسە وتىرىپ, قالالىق «سەرگەك» بەينەباقىلاۋ كامەرالارى ارقىلى قوقىستى شىعارۋ مەن پايداعا جاراتۋ ءىسىن باقىلاۋدى كۇشەيتتى.
قۇرىلىس قالدىقتارىن باسقارۋ ينفراقۇرىلىمىن قۇرۋ جانە ستيحيالىق پوليگونداردىڭ پايدا بولۋ كولەمىن ازايتۋ ماقساتىندا اكىمدىك قۇرىلىس قالدىقتارىن توگۋ جانە قايتا وڭدەۋ ءۇشىن ارنايى «سەۆەرنايا گريادا» الاڭىن سالىپ, ىسكە قوستى. الاڭدا قۇرىلىس قالدىقتارىن (اسفالت, كىرپىش, بەتون جانە ت.ب.) وڭدەۋگە ارنالعان قۋاتى جىلىنا 196 000 م3 ۇساقتاۋ كەشەنى ورناتىلعان.
