«وكىنىشكە قاراي, بۇگىندە ستۋدەنتتەر اراسىندا ەسىرتكى قولدانۋ دەرەكتەرى انىقتالىپ جاتىر, وسىعان وراي الداعى ۋاقىتتا سكرينينگ جۇيەسىن ەنگىزۋ جوسپارلانىپ وتىر», دەدى ءىىم باسشىسى.
ءمينيستردىڭ ايتۋىنشا, سكرينينگ جاعدايدى وبەكتيۆتى باعالاۋعا مۇمكىندىك بەرەدى جانە ەسىرتكىگە تاۋەلدى ازاماتتاردى, اسىرەسە جاسوسپىرىمدەر اراسىندا ەرتە كەزەڭدە انىقتاۋعا مۇمكىندىك بەرەدى. بۇل رەتتە بيوماتەريالدار جۇمىسقا ورنالاسۋ كەزىندە, مەملەكەتتىك قىزمەتتە, جۇرگىزۋشى كۋالىگىن الۋ كەزىندە تەكسەرىلەدى.
«بۇگىندە سينتەتيكالىق پرەپاراتتار اشىق تاراپ ءجۇر. ءبىر دوزاسى 10 مىڭ تەڭگە تۇرادى. ولار ينتەرنەت ارقىلى ساتىلادى. عىلىمي ساراپتاما كورسەتكەندەي, ەسىرتكى قولدانۋدىڭ ەرتە ساتىسىندا اتالمىش زاتتاردى قولدانىپ كورگەن ادامداردىڭ 95 پايىزىن قالىپتى جاعدايعا قايتارۋعا بولادى. ءۇشىنشى كەزەڭدە تەك 15 پايىزى عانا قالىپتى ومىرگە ورالا الادى», دەدى احمەتجانوۆ.
ول بيوماتەريالداردان ەسىرتكىنى انىقتاۋدا قىلمىستىق جانە اكىمشىلىك جاۋاپكەرشىلىك بولمايتىنىن قاداپ ايتتى. بارلىق اقپارات بالالاردىڭ اتا-انالارىنا جىبەرىلەدى.
