قاراعاندى وبلىسى اكىمىنىڭ ءبىرىنشى ورىنباسارى تاعايىندالدى

استانا. 26 ماۋسىم. پرەزيدەنت اكىمشىلىگىنىڭ كەلىسىمىمەن جانە قاراعاندى ءوڭىرىنىڭ باسشىسى نۇرمۇحامبەت ابدىبەكوۆتىڭ وكىمىمەن اسىلبەك جەكسەنباي ۇلى دۇيسەباەۆ وبلىس اكىمىنىڭ ءبىرىنشى ورىنباسارى بولىپ بەكىتىلدى. بۇل تۋرالى «قازاقپارات» حابارلادى. ا.ج.دۇيسەباەۆ 1979 جىلى تۋعان. جوعارى ءبىلىمدى, ەكونوميست-مەنەدجەر ماماندىعى بويىنشا س.سەيفۋللين اتىنداعى اقمولا اگرارلىق ۋنيۆەرسيتەتىن بىتىرگەن. ەڭبەك جولىن 1996 جىلى«اگرو-تسەنتر استانا» جاۋاپكەرشىلىگى شەكتەۋلى سەرىكتەستىگىندە باقىلاۋشى-رەۆيزور رەتىندە باستاعان. ول 2002 جىلدان مەملەكەتتىك قىزمەت سالاسىندا ەڭبەك ەتىپ كەلەدى. كولىك جانە كوممۋنيكاتسيا مينيسترلىگى ءبولىمىنىڭ باس مامانى, ءبولىم باستىعى بولعان. 2004-2006 جىل ارالىعىندا پرەزيدەنت اكىمشىلىگى مەملەكەتتىك باقىلاۋ جانە ۇيىمداستىرۋ جۇمىستارى ءبولىمىنىڭ باس ينسپەكتورى بولىپ قىزمەت اتقاردى. 2006 جىلدان باستاپ قاراعاندى وبلىسىندا قىزمەتىن جالعاستىردى. قازىبەك بي اۋدانى اكىمىنىڭ ورىنباسارى, قاراعاندى قالاسى اكىمىنىڭ ورىنباسارى بولدى. 2007 جىلدان 2010 جىلدىڭ قاڭتارىنا دەيىن وبلىس اكىمى اپپاراتىن باسقاردى, ودان كەيىن وبلىس اكىمىنىڭ ورىنباسارى بولىپ تاعايىندالدى. 2010-2012 جىلدار ارالىعىندا پرەزيدەنت اكىمشىلىگىنىڭ مەملەكەتتىك ينسپەكتورى, كولىك جانە كوممۋنيكاتسيا ۆيتسە-ءمينيسترى بولدى. ول وسى تاعايىنداۋعا دەيىن تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى لاۋازىمىندا قىزمەت ەتتى. جولدىباي بازار. دەرەككوز: «قازاقپارات». فوتو: «قازاقپارات».