سولتۇستىك قازاقستان وبلىسىندا ايەلدەردى ەركەكتەرمەن شاتىستىرعان دارىگەرلەر اشكەرەلەندى

پەتروپاۆل. 26 ماۋسىم. سولتۇستىك قازاقستان وبلىستىق پروكۋراتۋراسىنىڭ كەزەكتى ماجىلىسىندە دەنساۋلىق ساقتاۋ سالاسىنا قاتىستى نەبىر ورەسكەل ولقىلىقتاردىڭ بەتى اشىلدى. بۇل تۋرالى egemen.kz ءتىلشىسى حابارلادى. اعا پروكۋرور رۋسلان مۇقانوۆ بايانداعانداي,  ءبىرجارىم جىلدىڭ ىشىندە وبلىستاعى مەديتسينا مەكەمەلەرىندە 45 ادام كوز جۇمسا,  بۇلاردىڭ اراسىنداعى كەيبىر ناۋقاستار دارىگەرلەردىڭ بىلىكسىزدىگىنەن قايتىس بولعان. وزدەرىنىڭ مىندەتتەرىنە سالدىر-سالاق قاراعانى ءۇشىن 18 مەيىربيكەگە قاتىستى قىلمىستىق ءىس قوزعالعان. سونداي-اق, ناۋقاستارعا جالعان  انىقتاما جازىپ بەرۋ, جەڭىلدىكتى ءدارى-دارمەكتەردى ساتىپ الدىرتۋ, جاڭا قوندىرعىلاردىڭ ءجيى ىستەن شىعۋى جانە ولاردىڭ ارنايى  مامان جوقتىعىنان بوسقا قاڭتارىلىپ تۇرۋى سەكىلدى فاكتىلەر تىركەلگەن. ەڭ سوراقىسى, سولتۇستىكقازاقستاندىق كەيبىر دارىگەرلەر ەر-ازاماتتاردى «تەكسەرۋ» بارىسىندا تورتەۋىنەن تەك ايەلدەردە عانا كەزدەسەتىن اۋرۋدى «تاپقان». اتاپ ايتقاندا, ءۇش ناۋقاستا جاتىر مويىنى, بىرەۋىنەن ومىراۋ بەزى ىسىگى اۋرۋىن «انىقتاعان». شىندىعىنا كەلگەندە, ولاردىڭ ءبارى قۇلان-تازا كۇيدە بولعان. قۇزىرلى ورگان وكىلدەرىنىڭ ايتۋىنشا, وسى جەردە ءبىر  شيكىلىك سەزىلەتىن سەكىلدى. ويتكەنى, سكيرينگتىك تەكسەرىلۋگە مۇلدەم كەلمەگەن تۇرعىندار  تىزىمگە ەنگىزىلىپ, ءار «كليەنت» ءۇشىن مەملەكەتتەن 3 مىڭ تەڭگەدەن تولەنىپ وتىرعان. ءومىر ەسقالي. دەرەككوز: egemen.kz. فوتو: peopleandcountries.com.