سولتۇستىك قازاقستان وبلىسىنىڭ الىس اۋىل تۇرعىندارى ۇشاقپەن قاتىنايدى

پەتروپاۆل.  26 ماۋسىم. 2020 جىلعا دەيىنگى كەزەڭگە ارنالعان  مەملەكەتتىك باعدارلاما اياسىندا ەلىمىزدە 11 ەلدى مەكەنگە جەرگىلىكتى اۋە قاتىناسىن تارتۋ جوسپارلانسا, مۇنىڭ يگىلىگىن وبلىس ورتالىعىنان الىس جاتقان ءۋاليحانوۆ اۋدانىنىڭ تۇرعىندارى دا كورەتىن بولادى. بۇل تۋرالى egemen.kz ءتىلشىسى حابارلادى. بۇل باعىتتا رەسپۋبليكالىق قازىنادان 200 ميلليون تەڭگەگە جۋىق قارجى  ءبولىنىپ, پەتروپاۆل-كىشكەنەكول باعىتىنداعى اۋە قاتىناسىن جاڭعىرتۋدىڭ جوباسىن  جۇزەگە اسىرۋ قولداۋ تاپتى. كولىك جۇيەسى ينفراقۇرىلىمىن دامىتۋدىڭ  مەملەكەتتىك باعدارلاماسىنا جاۋاپتىلاردىڭ سوزىنە قاراعاندا,  ءبىرىنشى كەزەكتە جاسقايرات, قۋلىكول, قاراتال سەكىلدى قوعامدىق كولىكتىڭ قاتىناۋى وتە قيىن تۇكپىردەگى اۋىلداردىڭ تۇرىندارىنىڭ ءجۇرىپ-تۇرۋى جەڭىلدەيدى. سول سياقتى كورشىلەس  اۋداندار جۇرتشىلىعى دا ونىڭ قىزمەتىن پايدالانا الادى. قازىر 12 ورىندى ۇشاقتار قاتىنايتىن اەرودروم قۇرىلىسى ءۇشىن جەر تەلىمدەرىن جانە  جوبالىق-سمەتالىق قۇجاتتارىن ازىرلەۋ ءۇشىن جەرگىلىكتى بيۋدجەتتەن 30 ملن. تەڭگە ءبولۋ قاراستىرىلىپ وتىر. ءومىر ەسقالي. دەرەككوز: egemen.kz. فوتو: strategy2050.kz.