1838 جىلى يساتاي ولگەنننەن كەيىن جالعىز قالعان ماحامبەت تاعى دا كۇش جيناپ, حاننان كەگىن الۋ ءۇشىن جايىق بويىنداعى بايباقتى ەلىنە بارادى. بايباقتىنىڭ جۇمىر (شىن اتى سادىر) جانە قىلىش دەگەن باتىرلارىمەن كەزدەسىپ, جولداس بولادى. ماحامبەتتىڭ «جۇمىر, قىلىش» كۇيى سول كەزەڭدە شىققان. وسىلاي جاسىرىن جۇرگەن ماحامبەت, جانىندا جۇمىر مەن قىلىش بار, بايباقتى ەلىنىڭ ءبىر اۋىلىندا تورەلەرمەن وتىرعان بايماعانبەت ايشۋاقوۆتىڭ ۇستىنەن شىعادى. مىنە وسى جەردە ماحامبەت پەن بايماعانبەت سۇلتان ءبىرىنشى رەت كەزدەسەدى. بايماعامبەت ماحامبەتتى ۇستاۋعا ارەكەت جاسايدى. ال ماحامبەتتىڭ جانىنداعى جۇمىر, قىلىش باتىرلار ماحامبەتتى اراشالاپ, ۇستاتپاي توپتان شىعارىپ امان اكەتەدى. وسى وقيعاعا بايلانىستى ماحامبەت جانىنا ەرگەن جىگىتتەرگە رازى ولىپ, «جۇمىر, قىلىش» اتتى كۇي شىعارىپتى.
