كانديداتتاردىڭ زيالى قاۋىم وكىلدەرىمەن جانە اۋىلدىق مادەنيەت ۇيلەرىنىڭ قىزمەتكەرلەرىمەن كەزدەسۋى « ۇلىتاۋ – ۇلت ۇيىتقىسى» تاقىرىبىندا ءوتتى. كانديداتتار ۇگىت-ناسيحات جۇمىستارىن جۇرگىزىپ, قاتىسۋشىلارمەن اۋىلداعى مادەنيەت سالاسىنا قاجەت قولداۋ تۋرالى ءسوز قوزعادى.
ء«بىزدىڭ سايلاۋالدى باعدارلامامىزدا اۋىلدىق اۋماقتاردى جاقسارتۋعا قاجەت بارلىق اسپەكتى ەسكەرىلگەن. قازىرگى تاڭدا اۋىل مەن قالا اراسىندا بىردەن كوزگە ۇراتىن الەۋمەتتىك تەڭسىزدىك بار. ول ەكونوميكانىڭ ناقتى سەكتورىنا جانە اۋىلدىڭ دەموگرافيالىق الەۋەتىنە زيان كەلتىرەتىن قايتىمسىز ۋربانيزاتسيا ۇدەرىسىن باستادى. اۋىل تۇرعىنى, اسىرەسە ايەلدەر مەن جاستار ءۇشىن قالاعا بارۋ «بارسا كەلمەسكە» اينالدى. سوندىقتان «اۋىل» پارتياسى اۋىل مەن قالا اراسىنداعى قىزمەت ساپاسىنىڭ ايىرماشىلىعىن ايتارلىقتاي قىسقارتۋدى كوزدەيدى. قالا تۇرعىنىنا بەرىلگەن بارلىق جاعداي مەن جايلىلىق اۋىل تۇرعىنىندا دا بولۋعا ءتيىس», دەدى ابزال جيەنباەۆ.
بۇدان كەيىن كانديداتتار ۇلىتاۋ وبلىسىنىڭ اۋىل شارۋاشىلىعى وندىرۋشىلەرىنىڭ دوڭگەلەك ۇستەلىنە قاتىستى. جينالىستا كانديداتتار «اۋىل» پارتياسى پارلامەنت ماجىلىسىندە «ازىق-ت ۇلىك قاۋىپسىزدىگى تۋرالى» جاڭا زاڭدى قابىلداۋعا باستاماشى بولۋعا دايىن ەكەنىن اتاپ ءوتتى.
«بۇل زاڭ اۋىل حالقىن ساپالى جانە تۇراقتى الەۋمەتتىك قامتاماسىز ەتۋگە, اۋىل ينفراقۇرىلىمىن تۇراقتى بيۋدجەتتىك قارجىلاندىرۋعا, اگرارشىلار مەن وتاندىق ازىق-ت ۇلىك وندىرۋشىلەرىن ءسوزسىز مەملەكەتتىك قولداۋعا بەرىك كەپىلدىكتەر بەرەدى», دەدى كانديداتتار.
سونداي-اق «اۋىل» پارتياسىنىڭ دەلەگاتسياسى ساتباەۆ قالاسىندا بولىپ, «قازاقستان» سپورتتىق-ساۋىقتىرۋ كەشەنىنىڭ ۇجىمىمەن كەزدەستى. كەشەن قىزمەتكەرلەرى پارتيانىڭ سايلاۋالدى باعدارلاماسىمەن تانىسىپ, وزدەرىن قىزىقتىرعان سۇراقتارىن قويدى. كانديداتتار ايتىلعان ماسەلەلەردى, ۇسىنىستاردى نازاردا ۇستاپ, قۇزىرلى ورگاندارمەن بىرگە پروبلەمانى شەشۋدىڭ جولىن قاراستىرۋعا ۋادە بەردى.
