*راديكالدى «بوكو حارام» توبىنىڭ قارۋلى جاساقتارى نيگەريانىڭ سولتۇستىك-شىعىسىنداعى ءبىر ەلدى مەكەننەن تاعى دا 90-نان استام ادامدى ۇرلاپ كەتكەن. ولاردىڭ 60-ى ايەلدەر مەن قىزدار بولسا, قالعاندارى ەر بالالار كورىنەدى. قاشۋعا ارەكەت جاساعان 4 ادام اتىپ ولتىرىلگەن.
*سۇننيتتەردىڭ قارۋلى جاساقتارى يراك استاناسى – باعدات قالاسىنىڭ سولتۇستىگىندە ورنالاسقان ەلدەگى ەڭ باستى بايدجي مۇناي وڭدەۋ زاۋىتىن باسىپ العان. بۇرناعى كۇنى يراكقا كەلگەن اقش-تىڭ مەملەكەتتىك حاتشىسى دجون كەرري يراكتىڭ تاعدىرى تاياۋداعى اپتالاردا شەشىلەتىنىن مالىمدەي كەلىپ, بىراق بۇل ماسەلە ءبىرىنشى كەزەكتە ەلدەگى بيلىك باسىنداعىلاردىڭ 1 شىلدەگە دەيىن جاڭا ۇكىمەت جاساقتاي الۋىنا تىكەلەي بايلانىستى بولاتىنىن ايتقان ەدى.
*سيرياداعى حيميالىق ارسەنالدىڭ سوڭعى بولىگى ەلدەن شىعارىلدى جانە جويۋعا دايىن. بۇل تۋرالى نيدەرلاندتىڭ گااگا قالاسىندا وتكەن ءباسپاسوز ءماسليحاتىندا حيميالىق قارۋعا تىيىم سالۋ جونىندەگى ۇيىم باسشىسى احمەت ۋزيۋمدجيۋ حابارلادى.
*مىسىر سوتى «ءال-جازيرا» تەلەارناسىنىڭ ءۇش ءجۋرناليسىن لاڭكەستەرگە قولداۋ كورسەتتى دەپ ايىپتادى. ولاردىڭ ۇشەۋى دە 7 جىلدان باس بوستاندىقتارىنان ايىرىلدى. ولار: ۆۆس-ءدىڭ بۇرىنعى ءتىلشىسى پيتەر گرەستە, «ءال-جازيرانىڭ» كايرداعى بيۋرو باسشىسى موحاممەد فاحمي جانە پروديۋسەر باحەر موحاممەد.
*العاشقى گاز «وڭتۇستىك» اعىنى» بويىنشا اۆسترياعا 2016 جىلدىڭ سوڭىندا كەلەتىن بولادى. بۇل تۋرالى اۆستريانىڭ ومV مۇناي-گاز كومپانياسىنىڭ رەسمي وكىلى روبەرت لاحنەر مالىمدەدى. كەشە «گازپروم» مەن ومV كورپوراتسياسى رەسەي پرەزيدەنتى ۆ.ءپۋتيننىڭ اۆسترياعا رەسمي ساپارى كەزىندە وسىنداي كەلىسىمگە قول قويعان.
*ەۋرووداق كەڭەسى البانياعا ەۋروپا وداعى ءمۇشەلىگىنە ۇمىتكەر ەل مارتەبەسىن بەردى. بۇل تۋرالى ءوزىنىڭ تۆيتتەرىندە ەو-نى كەڭەيتۋ جانە كورشىلەستىك ساياساتى جونىندەگى كوميسسار شتەفان فيۋلە حابارلادى. ول, سونداي-اق, البانيانى قۇتتىقتاي كەلىپ, كەڭەستىڭ شەشىمى ەلدىڭ وسى باعىتتاعى كۇش-جىگەرىنىڭ ناتيجەسى ەكەنىن اتاپ ءوتتى.
nاقش-تا جولاۋشىلار پويىزى تەمىرجول وتكەلىندە جۇك كولىگىمەن سوقتىعىسىپ قالدى. وقيعا ماسساچۋسەتس شتاتىنداعى مەنسفيلد قالاسى ماڭىندا ورىن الدى. ۆاشينگوننان بوستونعا كەلە جاتقان پويىز رەلستەن شىعىپ كەتكەنىمەن, 180 جولاۋشىنىڭ ەشقايسىسى ايتارلىقتاي زارداپ شەكپەگەن. بىراق جۇك كولىگىنىڭ جۇرگىزۋشىسى مەن ەكى جولاۋشىسى قازا تاپقان.
*ليتۆانىڭ جوعارعى سوتى رەسپۋبليكا بيلىگىن گەرمانياعا يتاليالىق سۋرەتشى انتونيو كامپيدىڭ پولوتنوسىن قايتارۋدى مىندەتتەدى. كارتينا «ءحريستىڭ زيراتى باسىنداعى ءۇش ماريا» دەپ اتالادى. بۇل تۋىندى ەكىنشى ءدۇنيەجۇزىلىك سوعىستان كەيىن گەرمانيادان زاڭسىز اكەتىلىپتى.
*گفر-دە جەكەمەنشىك جەڭىل موتورلى ۇشاق ۇشۋ كەزىندە جويعىش ۇشاقپەن سوقتىعىسقان. وقيعا گەرمانيانىڭ باتىسىنداعى زاۋەرلاند فەدەرالدى جەرىندەگى ولسبەرگ قالاسىنىڭ اسپانىندا ورىن العان. جويعىش ۇشاق كەلن قالاسىنىڭ تۇبىندەگى نەرفەنيحە اسكەري اۆيابازاسىنا امان-ەسەن ورالسا, ەكى ادامى بار جەكەمەنشىك ۇشاق اپاتقا ۇشىراپ, ۇشاقتاعى ەكى ادام دا قازا تاۋىپتى.
اقپارات اگەنتتىكتەرى ماتەريالدارىنىڭ نەگىزىندە ازىرلەندى.
