التىننىڭ مول كومبەسى

بۇلاق اۋىلىنىڭ قۇلسارى اۋليە جاتقان قورىم جانىنان التىن قورى تابىلىپتى دەگەن الىپقاشپا ءسوز شىندىققا اينالىپ, نۇكتە قويىلدى. جەر قويناۋىن بارلاۋ جۇمىستارىن اياقتاعان رەسەيلىك «اۋليە گولد ماينينگ» تاۋ-كەن جىنىستارىن وڭدەۋ كومپانياسى قازبا ىستەرىنە كىرىسىپ كەتتى. 400 گەكتار اۋماقتى الىپ جاتقان كەن ورنىنان وتە باعالى مەتالل 6-12 مەتر تەرەڭدىكتە اشىق ادىسپەن ءوندىرىلىپ, وسى جەردە بوي كوتەرەتىن ءوندىرىس وشاقتارى تولىق قۋاتىندا جۇمىس ىستەگەن كەزدە 250-گە جۋىق ادام جۇمىسقا تارتىلماق. يندۋستريالاندىرۋ كارتاسى بويىنشا قولعا الىنعان «قۇرامىندا باعالى مەتالدار بار كەن ورنىن يگەرۋ جانە وڭدەۋ» جوباسىنا العاشقى كەزەڭدە 15 ميلليون دوللار ينۆەستيتسيا قۇيىلعان. جاڭا كەن ورنىنىڭ اشىلۋ شاراسىنا قاتىسقان وبلىس اكىمىنىڭ ورىنباسارى ەرلان اۋكەنوۆتىڭ سوزىنە قاراعاندا, بيىل 130 مىڭ توننا, كەلەسى جىلى 260 مىڭ توننا كەن ارشىلىپ, 2018 جىلى 600 مىڭ توننا قۇرايتىن بولادى. ازىرگە باعالانعان التىن قورى 2 توننا. اتالمىش كومپانيانىڭ ديرەكتورى پاۆەل دجۋلاي گەولوگتاردىڭ ادام تۇگىلى پەرىشتەنىڭ باسىن اينالدىراتىن التىننىڭ مول كومبەسىن بارلاعانىن ايتىپ وتىر. ءومىر ەسقالي, «ەگەمەن قازاقستان». سولتۇستىك قازاقستان وبلىسى, ەسىل اۋدانى, بۇلاق اۋىلى.