الپىسقا جۋىق ادامدى جۇمىسپەن قامتىپ, كاسىبىن دوڭگەلەتىپ وتىرعان تسەح باسشىسى ءاليحان جۇماشەۆ «اق جول» اتىنان ءبىر مانداتتىق جۇيە بويىنشا قالالىق ءماسليحات دەپۋتاتتىعىنا ۇسىنىلعان. بۇگىندە شارۋاسى ورگە دومالاعان كاسىپورىن ءونىمىن تەك رەسپۋبليكا بويىنشا ەمەس, ورالعا كورشىلەس جاتقان رەسەيدىڭ بەس وبلىسىنا تاۋار جەتكىزۋدى كوزدەپ وتىر. تسەح جۇمىسىمەن تانىسقان شتاب وكىلدەرى جاس كاسىپكەرگە الداعى سايلاۋدا ساتتىلىك تىلەپ, پارتيانىڭ وتاندىق وندىرىسشىلەردى قولداۋ باعىتىنداعى جۇمىستارى جالعاسا بەرەتىنىن ايتتى.
بۇدان سوڭ ۇگىت-ناسيحات توبى ورال ترانسفورماتور زاۋىتىنا باردى. اۋىسىمىندا 250-گە جۋىق ادام جۇمىس ىستەيتىن ءىرى كاسىپورىن – ەلدەگى ترانسفورماتور شىعاراتىن بىرەگەي ءوندىرىس ورىندارىنىڭ ءبىرى. الىس-جاقىن شەتەلدەرمەن تىعىز بايلانىس ورناتقان زاۋىت ءونىمىن ەكسپورتقا شىعارادى. كاسىپورىن جۇمىسىمەن جاقىن تانىسىپ, قىزمەتكەرلەر سۇراعىنا جاۋاپ بەرگەن پارتيا توراعاسى ازات پەرۋاشەۆ مۇنداي زاماناۋي, تەحنولوگيالىق زاۋىتتاردىڭ ەل ەكونوميكاسىنا قوساتىن ۇلەسى زور ەكەنىن ايتىپ, مەملەكەتتەن ولارعا جان-جاقتى قولداۋ كەرەكتىگىن اتاپ ءوتتى. ال پارتيا مۇشەسى قازىبەك يسا ۇلتتىق مۇددە سالتانات قۇرعان ەلدە كاسىپتىڭ دە دامۋى زاڭدىلىق ەكەنىن جەتكىزدى. «ول ءۇشىن سايلاۋعا بەلسەندى قاتىسىپ, ءوز داۋىسىڭدى بەرۋ كەرەك», دەپ تۇيىندەدى ويىن ۇلت جاناشىرى.
سونىمەن قاتار رەسپۋبليكالىق ۇگىت-ناسيحات توبى ورالداعى ءىرى «سيتي تسەنتر» ساۋدا-ويىن-ساۋىق ورتالىعىنا باردى. شاھاردىڭ ورتالىعىندا ورنالاسقان «سيتي تسەنتر» ساۋدا-ويىن-ساۋىق ورتالىعى قازىرگى تاڭدا 350 كاسىپكەرگە ساۋدا ورنىن بەرىپ, 300-گە جۋىق ادامدى جۇمىسپەن قامتىپ وتىر. ورتالىق قالا تۇرعىندارى مەن قوناقتارىنىڭ ءجيى باراتىن سۇيىكتى ورنى دەسەك تە بولادى. پارتيا جۇمىسىن, ساياسي باعىت-باعدارىن تانىستىرۋشى ۇگىت-ناسيحات توبى ورتالىق جۇمىسشىلارىمەن كەزدەستى. ساۋدا سالاسىندا جۇرگەن كاسىپكەرلەردى نەسيە, ەكونوميكالىق زاڭدارعا وزگەرىستەر ەنگىزۋ ماسەلەسى الاڭداتادى. شتاب وكىلدەرى اقجايىق جۇرتشىلىعىنا ءوز تاڭداۋلارىن سانالى تۇردە جاساپ, ادىلەتتى قازاقستاندى بىرگە دامىتۋعا شاقىردى.
