ساپاردىڭ ءبىرىنشى كۇنى قوستاناي وبلىسىندا حالىقپەن كەڭ اۋقىمدا كەزدەسۋ ءوتىپ, وعان 1000-نان استام ادام قاتىستى. ەكىنشى كۇنى پارتيالىقتار وبلىس پەن ەلىمىزدىڭ اگروونەركاسىپ كەشەنىن دامىتۋعا ۇلەس قوسىپ, قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋمەن اينالىسىپ جۇرگەن ەڭبەك ۇجىمدارىمەن جۇزدەستى. اتاپ ايتقاندا, «ميلح» جشس, «سارىارقااۆتوپروم» اۆتوموبيل قۇراستىرۋ كاسىپورنى جانە «بايان-سۇلۋ» كونديتەرلىك فابريكاسىنا باردى. پارتيا وكىلدەرىمەن كەزدەسۋگە اتالعان كاسىپورىنداردىڭ 300-گە جۋىق قىزمەتكەرى قاتىستى.
قوستاناي وبلىسىنداعى «بايان-سۇلۋ» كونديتەرلىك فابريكاسىنىڭ ەڭبەك ۇجىمىمەن كەزدەسۋ بارىسىندا پارتيانىڭ تەڭ توراعاسى, پارلامەنت ءماجىلىسىنىڭ دەپۋتاتتىعىنا كانديدات دينارا شۇكىجانوۆا داۋىس بەرۋگە ءاربىر سانالى ازامات قاتىسۋعا ءتيىس ەكەنىن اتاپ ءوتتى.
«قازاقستاننىڭ ءاربىر ازاماتى داۋىس بەرۋگە قۇقىلى جانە مۇنى نازاردان تىس قالدىرۋعا بولمايدى. داۋىس بەرۋ كۇنى ءبىز تەك سايلاۋ ۋچاسكەسىنە بارىپ قانا قويماي, جاڭا ساياسي كۇشتىڭ قالىپتاسۋىنا جانە وزگەرىستەر ۇدەرىسىنىڭ ىسكە قوسىلۋىنا ىقپال ەتەمىز», دەدى د.شۇكىجانوۆا.
بارلىق پاتريوتتاردى ەلىمىزدىڭ بولاشاعى الاڭداتادى. دينارا شۇكىجانوۆانىڭ ايتۋىنشا سايلاۋ بيۋللەتەنىن تولتىرۋ – ءار وتانداسىمىزدىڭ ازاماتتىق قوعامنىڭ تولىققاندى وكىلى ەكەنىن ءبىلدىرۋى جانە ويلاستىرىلعان تاڭداۋ جاساعانىن ىسكە اسىرۋى.
سونىمەن قاتار اقتوبەدە «Respublica» پارتياسىنىڭ مۇشەلەرى مەن پارلامەنت ءماجىلىسىنىڭ دەپۋتاتتىعىنا كانديداتتار جاستارمەن, اقتوبە وبلىسىنىڭ سپورتشىلارىمەن جانە قوعامدىق پىكىر كوشباسشىلارىمەن كەزدەسۋلەر وتكىزدى.
ايتا كەتەرلىگى, «Respublica» پارتياسىنىڭ سايلاۋالدى تۋرى بارىسىندا پارتيا مۇشەلەرى قازاقستاننىڭ بارلىق وڭىرلەرىنە بارىپ, قازاقستاندىقتاردىڭ وزەكتى ماسەلەلەرىن ەگجەي-تەگجەي تالقىلايدى. قوستاناي وبلىسىندا سوڭعى كۇندەرى پارتيا قاتارىنا كىرۋگە 15 مىڭنان استام ادام ءوتىنىش ءبىلدىردى.
