2006 جىلى قۇرىلعان «سەماز» سەرىكتەستىگى قازاقستانداعى اۋىل شارۋاشىلىعى مەن كوممەرتسيالىق جۇك تەحنيكاسىنىڭ وتاندىق ءوندىرۋشىسى. بۇگىندە كاسىپورىندا 400-دەن استام ادام جۇمىس ىستەيدى. «اۋىل» پارتياسىنان ءتۇرلى دەڭگەيدەگى جەرگىلىكتى ماسليحاتتارعا كانديداتتارمەن كەزدەسۋگە پارتيا بەلسەندىلەرىمەن قاتار جۇزگە جۋىق جۇمىسشى قاتىستى. جەرگىلىكتى ماسليحاتتارعا كانديداتتار جيىنعا قاتىسۋشىلارعا «اۋىل» پارتياسى سايلاۋالدى باعدارلاماسىنىڭ باعىتتارىن ءتۇسىندىرىپ, ۇگىت-ناسيحات جۇمىستارىن جۇرگىزدى.
«اۋىل» پارتياسى ەلدى اگرارلى-يندۋستريالى دەرجاۆاعا اينالدىرۋدى كوزدەيدى. «سەماز» سياقتى وتاندىق زاۋىتتاردىڭ پايدا بولۋى, تەحنيكالاردى جيناستىرۋدى قولعا الۋى جاقىن بولاشاقتا ءوز تەحنيكامىزدىڭ پايدا بولۋىنىڭ العىشارتى. «سەماز» كاسىپورنى كوپكە ۇلگى. زاۋىتتا ەڭبەك ادامى, ونىڭ ىشىندە قوعام قوزعاۋشىسى – جۇمىسشىلار تابىستى ەڭبەك ەتىپ ءجۇر. ءبىز ەڭبەك ادامىنا ەرەكشە قۇقىقتىق مارتەبە بەرۋگە قول جەتكىزۋ ءۇشىن كۇرەسەمىز», دەدى جينالعاندار الدىندا ءسوز العان «اۋىل» پارتياسىنان جەرگىلىكتى ماسليحاتقا كانديدات سەرىك بايعاليەۆ.
جيىن بارىسىندا كانديداتتار جۇمىسشىلار ساۋالىنا جاۋاپ بەرىپ, ۇسىنىستارىن تىڭدادى. كانديداتتار «اۋىل» پارتياسى ماجىلىسكە بارعاندا ەڭبەك ادامىنا ەرەكشە قۇقىقتىق مارتەبە بەرۋگە كۇش سالاتىنىن ايتتى. «اۋىل» پارتياسىنىڭ اۋىلدىقتارعا عانا ەمەس, قالالىقتارعا دا ۇسىناتىن كوپتەگەن باعىتى بار ەكەنىن اتاپ ءوتتى.
«قۋاتتى اۋىل – ەلدىڭ سەنىمدى تىرەگى. ءبىز ازىق-ت ۇلىك نارىعىنان ارتىق دەلدالداردى ىعىستىرۋعا بار كۇشىمىزدى سالامىز. فەرمەرلەردى ءىرى ساۋدا ورتالىقتارىنا مۇمكىندىگىنشە جاقىنداتامىز. پارتيا اكىمدەر مەن ءماسليحات دەپۋتاتتارىنىڭ حالىق الدىنداعى دەربەس جاۋاپكەرشىلىگىن كۇشەيتەدى. ول ءۇشىن جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى زاڭنامانى تۇبەگەيلى قايتا قارايدى. ولار حالىق الدىنداعى مىندەتتەرىن ورىنداماعان جاعدايدا ەڭ قاتاڭ جازالاۋ شارالارىن قولدانۋعا قول جەتكىزەدى», دەدى كانديداتتار.
