اقپاراتتى الماتى وبلىستىق پوليتسيا دەپارتامەنتى راستادى. وقيعا 25 اقپان كۇنى بولعان.
پوليتسيا تاراپىنان قىلمىستىق ءىس قوزعالدى. جۇمىسپەن قامتۋ جانە الەۋمەتتىك باعدارلامالار باسقارماسىندا تەكسەرۋ جۇرگىزىلىپ جاتىر. 76 جاستاعى زەينەتكەردىڭ ءوز-ءوزىن ولتىرگەنى تۋرالى دەرەك تە بار.
ورتالىق قىزمەتكەرلەرىنىڭ سوزىنە سەنسەك, ەر ادام ءوز-وزىنە قول جۇمساعان. ءمايىت تاڭعى 5-تە تابىلدى. مەكەمە باسشىسىنىڭ بولجامىنا سايكەس, زەينەتكەر سۇيىكتىسىنە دەگەن قىزعانىش سەبەبىنەن سۋيتسيد جاساۋى مۇمكىن.
«ول وتە قىزعانشاق ەدى. ناتاشا ەسىمدى ايەلدى تىم جاقسى كورەتىن, ەشكىممەن سويلەسۋگە رۇقسات بەرمەيتىن. ناتاشا ءبىر رەت ماس كۇيىندە كەلگەندە ءبىز ونى ءبىر اپتاعا بولەك بولمەگە اۋىستىردىق. شاماسى, وسى جاعداي ونىڭ ولىمىنە سەبەپ بولعان ءتارىزدى. ناقتى بىلمەيمىز. پوليتسيا انىقتاي جاتار», دەدى ارنايى الەۋمەتتىك قىزمەتتەر كورسەتۋ ورتالىعىنىڭ ديرەكتورى نۇرعالي تورتاەۆ.
