قاۋلى جوباسىنىڭ ماقساتى - بالالاردىڭ قاۋىپسىزدىگىن قامتاماسىز ەتۋ, بالالارعا ۋاقتىلى بىلىكتى كومەك كورسەتۋ, سونداي-اق 2023-2025 جىلدارعا ارنالعان بالالارعا قاتىستى زورلىق-زومبىلىقتىڭ الدىن الۋعا باعىتتالعان قوسىمشا شارالار كەشەنىن قابىلداۋ جونىندەگى جۇيەنى قۇرۋ.
كەشەندى جوسپاردا كەلەسى باعىتتاعى بىرقاتار شارالار قاراستىرىلعان:
- بالالاردىڭ قۇقىقتارى مەن مۇددەلەرىن ساقتاۋ بويىنشا ادامداردىڭ جاۋاپكەرشىلىگىن قاتاڭداتۋ;
- ءبىلىم بەرۋ ۇيىمدارىن قورعاۋدىڭ كەشەندى جۇيەسىمەن قامتاماسىز ەتۋ;
- بالالار اراسىندا بالالارعا قاتىستى زورلىق-زومبىلىق, قۇقىق بۇزۋشىلىق جانە سۋيتسيد دەڭگەيىن تومەندەتۋ, ونىڭ ىشىندە پسيحولوگيالىق قىزمەتتى كۇشەيتۋ;
- داعدارىس جاعدايىنان شىعۋ بويىنشا بالالارعا بىلىكتى كومەك كورسەتۋ;
- بالالار اراسىندا جولداردا, سۋدا بولۋى ءمۇمىن وقيعالارعا جول بەرمەۋ, ءورتتىڭ الدىن الۋ, بالالارعا جانۋارلاردىڭ شابۋىل جاساۋى, بالالاردىڭ تەرەزەدەن قۇلاۋىنىڭ الدىن الۋ;
- بالالار مەن اتا-انالاردىڭ قۇقىقتىق ساۋاتتىلىعىن ارتتىرۋ, بالالار مەن اتا-انالار قاتىناستارىن نىعايتۋ جونىندەگى اقپاراتتىق-ءتۇسىندىرۋ قىزمەتىن ۇيىمداستىرۋ.
اتاپ ايتقاندا, كەشەندى جوسپار زاڭنامالىق جانە نورماتيۆتىك قۇقىقتىق بازانى جەتىلدىرۋدى كوزدەيدى.
جوسپاردى ىسكە اسىرۋ كەلەسى كورسەتكىشتەرگە اكەلەدى دەپ كۇتىلۋدە:
- بالالارعا قاتىستى, ونىڭ ىشىندە ولاردىڭ جىنىستىق تيىسپەۋشىلىگىنە قارسى قىلمىستار سانىنىڭ جىل سايىن 2%-عا تومەندەۋى;
- كامەلەتكە تولماعاندار اراسىنداعى ءسۋيتسيدتىڭ جىل سايىن 1,5%-عا تومەندەۋى;
- قوسىمشا بىلىممەن قامتىلعان بالالار سانىنىڭ جىل سايىن 5%-عا ارتۋى;
- توتەنشە جاعدايلار, جول-كولىك وقيعالارى جانە باسقا دا جازاتايىم وقيعالار سالدارىنان بالالاردىڭ ءولىمى مەن جاراقاتتانۋ سانىن جىل سايىن 5%-عا تومەندەتۋ;
- بالالاردىڭ قۇقىقتارىن قورعاۋ سالاسىنداعى مەملەكەتتىك ورگانداردىڭ ۆەدومستۆوارالىق ءوزارا ءىس-قيمىلىنىڭ تيىمدىلىگىن ارتتىرۋ.
قۇجات 17 ناۋرىزعا دەيىن قوعامدىق تالقىلاۋ ءۇشىن اشىق نقا سايتىندا ورنالاستىرىلعان.
قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ دەرەكتەرى بويىنشا 2022 جىلى بالالارعا قاتىستى 2 005 قىلمىس جاسالدى (2021 جىلى – 2 088), ولاردىڭ جىنىستىق تيىسپەۋشىلىگىنە قارسى قىلمىستار سانى 719 قۇرادى (2021 جىلى - 920), سونداي-اق بالالار اراسىندا 155 سۋيتسيد وقيعاسى تىركەلدى (2021 جىلى – 144).
دەنساۋلىق ساقتاۋ مينيسترلىگىنىڭ مالىمەتىنشە, رەسپۋبليكادا جىل سايىن 600 مىڭنان استام ادام جاراقات الادى, ولاردىڭ 22%-دان استامى - بالالار, ياعني 130 مىڭى (سونىڭ ىشىندە مۇزعا قۇلاۋ, تەرەزەدەن قۇلاۋ, جكو, ءورت, سۋ ايدىندارىندا جانە ت.ب.) نەمەسە 360 بالا كۇن سايىن جاراقات الادى.
