جيىنعا وتباسىلىق اگرارلىق اۋلەتتەردىڭ نەگىزىن قالاۋشىلار, فەرمەرلەردىڭ اتا-انالارى مەن تۋىستارى, ستۋدەنت جاستار, «اۋىل» پارتياسى مۇشەلەرى, اگرو سالا, ءبىلىم جانە مادەنيەت وكىلدەرى قاتىستى. ءىس-شارا «بارلىعى تىڭدالۋعا ءتيىس!» ۇرانىمەن ءوتتى. جيىننىڭ ماقساتى دا سونىمەن ۇندەس.
– مەملەكەت تاراپىنان فەرمەرلەرگە ءبولىنىپ جاتقان كومەكتىڭ ولارعا ۇلكەن ماشاقاتپەن جىرىمدالىپ جەتەتىنى, ءتىپتى جەتپەيتىنى بۇگىندە بارشاعا ايان. جانى كۇيگەن جاس فەرمەر ىشكى قىجىلىن جانىنداعى جاقىنىنا عانا ايتادى. ءارى قاراي شىقپاي ىشتە شەمەن بولىپ قاتادى. بۇل وتە شەتىن جانە قاۋىپتى ماسەلە. مۇمكىن بالاسىنىڭ ايتا الماي جۇرگەنىن اتا-اناسى ايتار. سوندىقتان دا فەرمەرلەردىڭ اتا-انالارىن جيناپ, مۇڭ-مۇقتاجعا قۇلاق ءتۇرىپ, جيىن وتكىزىپ جاتىرمىز. «اۋىل» پارتياسى اۋىل پروبلەماسىن وتە جاقسى بىلەدى جانە ولاردى شەشۋ بويىنشا ناقتى وزىندىك كوزقاراسى بار. ءبىزدىڭ ساياسي پلاتفورمامىزدا جالپى اۋىلدىق اۋماقتاردى جانە ءاربىر اۋىلدىق ەلدى مەكەندى دامىتۋعا, اتاپ ايتقاندا, ولاردىڭ وتكىر تۇرعان ەكونوميكاسى, الەۋمەتتىك, ينجەنەرلىك جانە وندىرىستىك ينفراقۇرىلىمى ماسەلەلەرىنە ماڭىزدى ءرول بەرىلگەن. پارتيا ماجىلىسكە بارعاندا وسى ۇستانىمداردى ودان ءارى قورعاپ, قولدا بار بارلىق ىقپال ەتۋ تەتىكتەرى مەن رەسۋرستاردى پايدالانا وتىرىپ, باعدارلامالىق قۇجاتتارىن ىسكە اسىرادى. ءبىز ءۇشىن اۋىل ارقاشان باسىمدىق پەن قۇرمەتكە يە, – دەدى كانديدات قايرات ايتۋعانوۆ.
«اۋىل» پارتياسىنىڭ سايلاۋالدى باعدارلاماسىمەن جان-جاقتى تانىسقان, ونىڭ بالالارى ايتا الماي جۇرگەن ماسەلەلەردى شەشۋگە باعىتتالعانىنا كوز جەتكىزگەن اتا-انا ءوز تاراپتارىنان ۇسىنىستارىن جولدادى. كەزدەسۋ قوستاناي اۋدانى, زارەچنوە اۋىلىندا ورنالاسقان «قازاق تۇلپارى» جشس جىلقى زاۋىتىنىڭ اۋماعىندا جالعاستى. كانديداتتار اوك وكىلدەرىمەن «قوستاناي جىلقى تۇقىمىن دامىتۋ ماسەلەلەرىن انىقتاۋ جانە شەشۋ» تاقىرىبىندا تالقىلادى.
